માધાપર ચોકડી નજીક ફ્લેટ નીચે ફટાકડા ફોડવા ગયેલ 14 વર્ષની સગીરા ગુમ
માધાપર ચોકડી નજીક ફ્લેટ નીચે ફટાકડા ફોડવા ગયેલ 14 વર્ષની સગીરા ગુમ થતાં યુનિવર્સિટી પોલીસે અપહરણનો ગુનો નોંધી તપાસ હાથ ધરી હતી. બનાવ અંગે માધાપર ચોકડી પાસે રહેતાં એક મહિલાએ નોંધાવેલ ફરિયાદમાં જણાવ્યું હતું કે, તેમના પતિનું અવસાન થયેલ છે અને સંતાનમાં એક પુત્ર અને એક 14 વર્ષની પુત્રી છે. ગઇ કાલ સાંજના તેઓ ઘરે હતાં ત્યારે સાજના પાચેક વાગ્યે તેમની પુત્રી ઘરે આવી ગયેલ હતી.
બાદ છ વાગ્યા આસપાસ જમીને માતા-પુત્રી બન્ને દવા લેવા માધાપર ગામ ખાતે ગયેલ હતા અને બાદમાં ઘરે આવી ગયા બાદ તેમની પુત્રીએ કહેલ કે, મારે ફ્લેટ નીચે ફટાકડા ફોડવા જાવુ છે જેથી તેમને કહેલ કે, હું પણ સાથે આવુ છુ તો તેણીએ કહેલ કે, મમ્મી તમે દિવાબત્તિ કરી નીચે આવો ત્યા સુધી હુ ફટાકડા ફોડુ છું કહી તે ફ્લેટ નીચે ફટાકડા ફોડવા ગયેલ હતી.
બાદમાં ફરિયાદી ફ્લેટ નીચે ગયેલ તો તેની પુત્રી જોવામા આવેલ નહી જેથી આજુબાજુ તપાસ કરતા તે ક્યાંય મળેલ નહી અને પાડોશમા રહેતી એક નાની બાળકીએ જણાવેલ કે, તમારી પુત્રીને મે ગેટ ની બહાર જતા જોયેલ હતી. ગેટની બહાર કરિયાણાની દુકાન સુધી તપાસમાં ગયેલ પણ તે જોવામા આવેલ નહી. જેથી તેઓની સગીર પુત્રીને કોઈ અજાણ્યો શખ્સ અપહરણ કરી નાસી છૂટ્યો હતો. બનાવ અંગેની ફરીયાદ પરથી યુનિવર્સિટી પોલીસે ગુનો નોંધી સગીરાની શોધખોળ હાથ ધરી હતી.
9879405838
આ પ્રકારના તમામ સમાચાર માટેે
App ડાઉનલોડ કરો.