બોલબાલા માર્ચ મહિનામાં 400 વૃદ્ધોને ધાર્મિક સ્થળોની યાત્રા કરાવશે

વડીલોની સેવામાં 30 સ્વયંસેવક જોડાશે, સમગ્ર ખર્ચ દાતાઓ ઉપાડશે

સેવાકીય પ્રવૃત્તિ કરતા બોલબાલા સંસ્થા દ્વારા વૃદ્ધો માટે નવી પહેલ કરવામાં આવી છે.માર્ચ 2024માં 400 વડીલોને ધાર્મિક યાત્રા કરાવશે. જેમાં ઉજ્જૈન, મહાકાલેશ્વર, બગલામુખી માતાજી, ઓમકાલેશ્વર, નાગદા બિરલા મંદિર, નલખેડા, દેવાંશ શક્તિપીઠ, મન્સુર, પશુપતિનાથ, ઈન્દોર, બડાગણપતિ જેવા અનેક આજુ બાજુના પ્રખ્યાત મંદિરોના દર્શનનો સમાવેશ થાય છે. વડીલોની સારસંભાળ માટે 30 સ્વયંસેવક જોડાશે.બોલબાલા ટ્રસ્ટના પ્રમુખ જયેશભાઇ ઉપાધ્યાયએ જણાવ્યું હતું કે, વડીલોને યાત્રા દરમિયાન ચા- નાસ્તા, બપોર તેમજ રાત્રીના ભોજન આપવામાં આવશે.

આ પ્રકારના તમામ સમાચાર માટેે App ડાઉનલોડ કરો.