દારૂ પીવા માટે રૂપિયા આપવાની ના પાડતા યુવક પર ભરતદાન ગઢવીનો છરીથી હુમલો
ખોખડદળ નદી પાસે દારૂ પીવાના રૂપિયા માંગી યુવક પર ભરતદાન ગઢવીએ છરીથી હુમલો કરતા યુવકને લોહીલુહાણ હાલતમાં સારવાર માટે ખસેડાયો હતો. બનાવ અંગે આજી ડેમ પોલીસ મથકે ફરિયાદ નોંધાવી હતી. બનાવ અંગે વિનોદનગરના કવાર્ટરમાં રહેતા ભરતભાઇ ભાવેશભાઇ ચુડાસમા ઉ.વ.38એ નોંધાવેલ ફરિયાદમાં આરોપી તરીકે ભરતદાન ભીમદાન ગઢવી રહે. સ્વાતી રોડનું નામ આપતા આજી ડેમ પોલીસે આઇપીસી કલમ 324, 504, 506 હેઠળ ગુનો નોંધી તપાસ હાથ ધરી હતી.
વધુમાં ફરિયાદીએ જણાવ્યું હતું કે હું છુટક કલર કામની મજુરી કામ કરૂ છું. ગઇકાલે સાંજના હું મારો મિત્ર દેવરાજ તથા વિનય સાથે ખોખળદડ નદી પાસેથી ચાલીને ઘરે જતા હતા ત્યારે હુડકો ચોકડી નજીક મોમાઇ હોટલ પાસે ભરતદાન ગઢવી ઉભેલ હતો. હું જયારે વોરન્ટના કામે જેલમાં હતો ત્યારે ભરતદાન પણ જેલમાં હતો. જેથી બંનેની ઓળખાણ થઇ હતી.
ત્યારે ગઇકાલે હોટલ પાસે ઉભેલા ભરતદાને મને બોલાવેલ અને કહેલ કે મારે પૈસા પીવા માટે જોઇએ છે. જેથી તેને પૈસા આપવાની ના પાડતા બંને વચ્ચે બોલાચાલી થતા ભરતદાને છરી કાઢી બે ધા ઝીંકી દીધા હતા અને કહેલ કે પૈસા કેમ નથી આપતો તને જાનથી મારી નાખવો છે કહી ધમકી આપી હતી. દરમ્યાન મારા મિત્રો આવી જતા આરોપી નાસી છુટયો હતો. બાદમાં તેમને ઇજાગ્રસ્ત હાલતમાં સારવારમાં ખસેડવામાં આવ્યો હતો. બનાવ અંગેની ફરિયાદ પરથી આજી ડેમ પોલીસે આરોપીની શોધખોળ આદરી હતી.
9879405838
આ પ્રકારના તમામ સમાચાર માટેે
App ડાઉનલોડ કરો.