બ્રાહ્મણીયાપરામાં વિજ-શોક લાગ્યા બાદ બીજા માળેથી પટકાયેલ શ્રમીક યુવકનું મોત
બ્રાહ્મણીયાપરામાં કડીયાકામ કરતી વેળાએ વિજશોક લાગ્યા બાદ બીજા માળેથી પટકાયેલ શ્રમીક યુવકનું કમકમાટીભર્યું મોત નિપજતા શ્રમિક પરિવારમાં અરેરાટી વ્યાપી ગઇ હતી. પ્રાપ્ત વિગત મુજબ શિવધારા સોસાયટી મેઇન રોડ ડી-માર્ટ નજીક શ્રી બંગલોની સામે રહેતા પંકજ ભુરાસીંગ ગ્રામ (ઉ.વ.27) નામનો યુવક ગઇકાલે સવારે ગોવિંદબાગ પાસે આવેલ બ્રાહ્મણીયાપરા-2માં ચાલતી બાંધકામ સાઇટ પર કડીયા કામમાં ગયો હતો.
તે બીજા માળે કામ કરી રહ્યો હતો તે દરમ્યાન બાજુમાંથી પસાર થતાં વીજ વાયરને સ્પર્શી જતાં વીજ કરંટ લાગતા યુવક બીજા માળેથી નીચે પટકાયો હતો. યુવકને માથાના ભાગે અને શરીરે ગંભીર ઇજા પહોંચતા સારવાર માટે સીવીલ હોસ્પીટલમાં ખસેડાયો હતો. પરંતુ સારવાર કારગત ન નીવડતા તેમનું મોત નિપજ્યું હતું. બનાવ અંગે સિવિલ ચોકીના સ્ટાફે બી ડીવીઝન પોલીસને જાણ કરતાં સ્ટાફ દોડી આવ્યો હતો અને મૃતદેહને પીએમ અર્થે ખસેડ્યો હતો. બનાવથી શ્રમિક પરિવારમાં આક્રંદ છવાયો હતો.
9879405838
આ પ્રકારના તમામ સમાચાર માટેે
App ડાઉનલોડ કરો.