બાંકડા પર બેસેલા પરપ્રાંતીય યુવકના મોબાઈલની ચિલઝડપ કરનાર શખ્સને લોકોએ પકડી પાડ્યો
રિધ્ધિ સિધ્ધિના નાલા પાસે મંદિરના બાકડા બેઠેલા યુવાનનો મોબાઇલ નજર ચૂકવી એક શખસે કાઢી લઇ ભાગવા જતા બુમાબુમ થતા લોકોએ તેને પકડી લઇ પોલીસને સોંપ્યો હતો.પોલીસે આ શખસ સામે ગુનો નોંધી જરૂરી કાર્યવાહી કરી હતી. બનાવની વિગતો મુજબ, મૂળ યુપીના વતની અને હાલ રાજકોટમાં નિલકંઠ ઇન્ડસ્ટ્રીઝ એરીયામાં કારખાનામાં મજૂરીકામ કરનાર ભીમભાઇ રામબીલાસભાઇ યાદવ(ઉ.વ 24) નામના શ્રમિક યુવાને આજીડેમ પોલીસ મથકમાં આ બનાવ અંગે ફરિયાદ નોંધાવી હતી.
જેમાં તેણે જણાવ્યું હતું કે,ગઇકાલે રાત્રીના નવ વાગ્યા આસપાસ તે તથા તેનો મિત્ર પ્રહલાદ તિવારી બંને રિધ્ધિ સિધ્ધિના નાલા પાસે મહાદેવ મંદિર નજીક બાકડા પર બેઠા હતાં.ત્યારે એક શખસ તેમની બાજુમાં આવી બેસી ગયો હતો.બાદમાં તે ત્યાથી ઉભો થઇ ચાલવા લાગતા યુવાનને શંકા જતા ખિસ્સું ચેક કરતા તેનો રૂ.10 હજારની કિંમતનો મોબાઇલ જોવા મળ્યો ન હતો.જેથી આ શખસને બુમ પાડતા તે દોડવા લાગ્યો હતો જેથી યુવાન અને તેના મિત્રે પણ દોડ મૂકી હતી.
દરમિયાન અહીં લોકો એકત્ર થતા તેણે આ શખસને ઝડપી લીધો હતો.આ શખસ પાસે યુવાનનો મોબાઇલ જોવા મળતા પોલીસને જાણ કરવામાં આવી હતી.જેથી આજીડેમ પોલીસ મથકનો સ્ટાફ પણ અહીં આવી ગયો હતો. બાદમાં આ શખસની પુછતાછ કરતા તેનું નામ સુરજ રામલોશન બીન હોવાનું અને તે પનીતનગર પાણીના ટાંકા પાસે રહેતો હોવાનું માલુમ પડયું હતું.આ અંગે યુવાનની ફરિયાદ પરથી પોલીસે આ શખસ સામે મોબાઇલ ચોરી અંગેનો ગુનો નોંધી જરૂરી કાર્યવાહી કરી હતી.
9879405838
આ પ્રકારના તમામ સમાચાર માટેે
App ડાઉનલોડ કરો.