શબવાહીનીનું ટાયર બ્લાસ્ટ થતા રોંગ સાઈડમાં જઈ બાઈકને હડફેટે લીધું: પટેલ વેપારીનું મોત
શહેરમાં હુડકો ચોકડી નજીક અમદાવાદ હાઈવે પર આવેલ મુરલીધર વે બ્રીજ પાસે ગોંડલ ચોકડી તરફથી આવતી આરએમસીની શબવાહીનીનું ટાયર બ્લાસ્ટ થતા રોંગ સાઈડમાં જઈ સામેથી આવતા બાઈકને હડફેટે લેતા પટેલ પ્રૌઢનું ઘટનાસ્થળે જ કમકમાટીભયુર્ં મોત નિપજયું હતું. બનાવ અંગે જાણ થતા આજીડેમ પોલીસ મથકનો સ્ટાફ ઘટનાસ્થળે દોડી ગયો હતો. પ્રાપ્ત વિગત મુજબ સ્વાતીપાર્ક-3 કિં.માં રહેતા દિનેશભાઈ ખીમજીભાઈ ખુંટ (ઉ.55) કુવાડવા રોડ પર શિવમ કિડઝ નામની કપડાની દુકાન ધરાવે છે.
જ્યાંથી તેઓ આજે બપોરના સમયે જમવા માટે પોતાના ઘરે સ્વાતીપાર્કમાં આવતો હતો ત્યારે હુડકો ચોકડીથી આગળ કે.પી. ઈન્ડ. પાસે મુરલીધર વે બ્રિજ નજીક સર્વીસ રોડ પર બાઈકમાં જતો હતો ત્યારે અચાનક જ સામેના રોડ પરથી એક શબવાહીની કાળ બનીને તેના પર ત્રાટકી હતી. શબવાહીની હડફેટે તેઓને ગંભીર ઈજા પહોંચતા તેમનું ઘટના સ્થળે જ મોત નિપજયું હતું. બનાવ સ્થળે લોકોના ટોળા એકઠા થઈ ગયા હતા. બનાવ અંગે આજીડેમ પોલીસને જાણ થતા પોલીસ કાફલો દોડી આવ્યો હતો.
અને જરૂરી કાર્યવાહી કરી મૃતદેહને સીવીલ હોસ્પીટલે પીએમ અર્થે ખસેડી શબવાહીની ચાલકની અટકાયત કરી પોલીસ મથકે લઈ જવાયો હતો. વધુમાં પોલીસે જણાવ્યું હતું કે શબવાહીનીનું ટાયર બ્લાસ્ટ થવાના કારણે ચાલકે સ્ટેરીંગ પરનો કાબુ ગુમાવતા દુર્ઘટના ઘટી હોવાનું પ્રાથમીક તારણ સામે આવ્યું છે. પોલીસે બનાવ અંગે વધુ તપાસ હાથ ધરી હતી. વધુમાં મૃતક મુળ મહીકા ગામના વતની અને ચાર ભાઈ એક બહેનમાં મોટા અને સંતાનમાં પુત્ર એક પુત્રી છે બનાવથી પરીવારમાં ગમગીની વ્યાપી ગઈ હતી.
9879405838
આ પ્રકારના તમામ સમાચાર માટેે
App ડાઉનલોડ કરો.