રાજકોટમાં શબવાહિનીએ ડિવાઈડર કૂદી બાઈક ચાલકને ટક્કર મારી ઉડાડ્યા, બાઈક સવાર ઓવરબ્રિજ પરથી નીચે પટકાતા મોત

રાજકોટ શહેરમાં એક વિચિત્ર અકસ્માત સર્જાયો હતો. કોઠારીયાથી આજીડેમ ચોક જવા માટેના ઓવરબ્રિજ પરથી પસાર થતી રાજકોટ મનપાની શબવાહિની અચાનક રોડની બીજી સાઈડ આવી ચડી હતી. શબવાહિની રોડની બીજી સાઈડ આવીને એક બાઇકને અડફેટે લીધું હતું. જેના કારણે શબવાહિની અને બાઇક ચાલક પ્રૌઢ ઓવરબ્રિજ પરથી નીચે પટકાયા હતા. જેમાં બાઈક સવાર પ્રૌઢનું ઘટના સ્થળે જ મોત નીપજ્યું હતું. પરિવારજનોના આક્ષેપો છે કે, ડ્રાઈવર નશામાં હોય તો જ આ પ્રકારે ફિલ્મી અકસ્માત સર્જાય શકે. તો બીજી તરફ શબવાહીનીનું ટાયર ફાટતા સ્ટેરીંગ પરથી કાબુ ગુમાવતા અકસ્માત સર્જાયાનું કહેવામાં આવી રહ્યું છે. હાલ તો અકસ્માતને લઈને પોલીસે આગળની તપાસ હાથ ધરી છે.

આ પ્રકારના તમામ સમાચાર માટેે App ડાઉનલોડ કરો.