સાઈડ કાપવા મામલે સમાધાન થયા બાદ ગ્રીનલેન્ડ ચોકડી પાસે યુવક પર ધોકા-પાઈપથી હુમલો
સાઈડ કાપવા મામલે સમાધાન થયાં બાદ ગ્રીનલેન્ડ ચોકડી પાસે યુવક પર ધોકા-પાઈપથી કારમાં ઘસી આવેલા દસ શખ્સોએ હુમલો કરતાં યુવકને ગંભીર ઇજાગ્રસ્ત હાલતમાં સારવારમાં ખસેડાયો હતો.
પ્રાપ્ત વિગત મુજબ, ગ્રીનલેન્ડ ચોકડી પાસે શિવનગર - 4 માં રહેતાં અર્જુનભાઇ ભુપતભાઇ સરવૈયા (ઉ.વ.30) ગઈકાલે રાત્રીના પોતાની ઘરે હતો ત્યારે તેના નાના ભાઈ દર્શનનો ફોન આવેલ કે, તેને કોઈ અજાણ્યાં કાર ચાલક સાથે સાઈડ આપવા મામલે કુવાડવા રોડ પરના ડી-માર્ટ પાસે માથાકૂટ થયેલ છે. જેથી તેઓ બનાવ સ્થળે પહોંચી બંને વચ્ચે સમાધાન કરાવી પોતે ગ્રીનલેન્ડ ચોકડી પાસે બેસવા માટે ગયેલ હતાં.
દરમિયાન વાહનોમાં ઘસી આવેલા દસ થી બાર અજાણ્યાં શખ્સોએ ઝઘડો કરી ધોકા-પાઈપથી બેફામ મારમારી નાસી છૂટ્યા હતાં. ઇજાગ્રસ્ત યુવકને લોહીલુહાણ હાલતમાં સારવારમાં સિવિલ હોસ્પિટલમાં ખસેડવામાં આવ્યો હતો. બનાવ અંગે સિવિલ ચોકીના સ્ટાફે બી. ડિવિઝન પોલીસને જાણ કરતાં સ્ટાફ દોડી આવ્યો હતો અને ઇજાગ્રસ્તનું નિવેદન નોંધવા તજવીજ હાથ ધરી હતી.
9879405838
આ પ્રકારના તમામ સમાચાર માટેે
App ડાઉનલોડ કરો.