તારું મકાન રમેશ રાણાને આપી દેજે નહી તો જાનથી મારી નાખશુ, તેમ કહીં વસંત ભોજાણી પર છરીથી હુમલો
તારું મકાન રમેશ રાણાને આપી દેજે નહી તો જાનથી મારી નાખશુ, તેમ કહીં વસંત ભોજાણી પર છરીથી હુમલો કરતા ઇજાગ્રસ્ત વસંતે સિવિલ હોસ્પિટલમાં સારવાર લીધી હતી.
ફરિયાદી વસંતભાઇ માવજીભાઇ ભોજાણી (ઉ.વ.-35, રહે- આંબેડકરનગર શેરી નં.1/4 નો કોર્નર, જડ્ડસ હોટલ સામે કાલાવાડ રોડ)એ ફરિયાદમાં જણાવ્યું કે, હું ડ્રાઇવીંગ કરી મારા પરિવારનું ગુજરાન ચલાવું છું. ગઈકાલે બપોરના અઢી વાગ્યે હું મારી સ્વીફટ કાર લઇને જડુસ હોટલથી ગોંડલ ચોકડીએ જતો હતો ત્યારે ભીમનગર ચોક પાસે પહોંચતા મારી કાર આડે એકસેસ સ્કૂટર નાખી અમારા લતામાં રહેતો લાલુ ઉર્ફે પ્રકાશ ચંદુભાઇ મૈયડા તથા સાગર ચંદુભાઇ ગોહેલ તથા કૌશીક મહેશભાઇ કટારીયા વિગેરેએ મને ઉભો રાખી તેમા લાલુએ મને કહેલ કે, તને મકાન ખાલી કરી જતો રહેવાનું કહ્યું છે, તેમ છતા તું મકાન કેમ ખાલી કરતો નથી.?
તેમ કહી લાલુ તથા સાગર મને અપશબ્દો બોલી, બોલાચાલી કરેલ અને હું મારી કારમાંથી નીચે ઉતરેલ નહી તો ઉશ્કેરાઇને આ લાલુએ તેના પાસે છરી હતી તે નો એક ઘા મારા જમણી બાજુ ગાલ ઉપર મારી દિધેલ હતો અને કૌશીકએ મને અપશબ્દો આપી ઢીકા મારેલ. જતા જતા કહેલ કે તારૂ મકાન રમેશ રાણાને આપી દેજે નહી તો જાનથી મારી નાખશુ.
વધુમાં વસંતભાઈએ કહ્યું કે, આ કૌશીક કટારીયાએ થોડા દિવસ પહેલા મારા ભત્રીજા પાર્થને ફોનમાં ધમકી આપેલ કે તને તથા તારા કાકાને મારશુ અને આ ઝગડાનું
કારણ મારી પાડોશમાં રહેતા રમેશ રાણાએ અમારું મકાન વેચવા કહેલું. પણ અમે વેચવાની ના પાડતા આ રમેશ રાણાના કહેવાથી આ ત્રણેય શખ્સ મારો અવાર નવાર પીછો કરતા હતા. ફરિયાદીએ આક્ષેપ કર્યો છે કે, નામચીન આરોપી રમેશ રાણાના કહેવાથી લાલુ ઉર્ફે પ્રકાશ મૈયડા, સાગર ગોહેલ, કૌશીક કટારીયાએ હુમલો કર્યા હતો. તાલુકા પોલીસે આ મામલે વધુ તપાસ હાથ ધરી છે.
9879405838
આ પ્રકારના તમામ સમાચાર માટેે
App ડાઉનલોડ કરો.