અન્નદાન મહાદાન ગ્રૂપ દ્વારા બરવાળા મુકામે રક્તદાન કેમ્પ યોજાયો

અન્નદાન મહાદાન ગ્રૂપ દ્વારા બરવાળા મુકામે રક્તદાન કેમ્પ યોજાયો

રક્તદાન કેમ્પમાં 100 બોટલ રક્તદાન કરવામાં આવ્યું.

બરવાળા મુકામે આવેલ અન્નદાન મહાદાન ગૃપના સફળતા પૂર્વક ત્રણ વર્ષ પૂર્ણ થતાં રક્તદાન કેમ્પનું આયોજન કરવામાં આવ્યું હતું.આ રક્તદાન કેમ્પમાં 100 રક્તદાતાઓએ રક્તદાન કરવામાં આવ્યું હતું.

બરવાળા શહેર ખાતે તા.03/09/2023 ના રોજ અન્નદાન મહાદાન ગ્રૂપના સફળતા પૂર્વક ત્રણ વર્ષ પૂર્ણ થતાં રક્તદાન કેમ્પનું આયોજન કરવામાં આવ્યું હતું. રક્તદાન કેમ્પમાં પરમ પૂજ્ય જગદેવદાસજી બાપુ (મહંતશ્રી લક્ષ્મણજી મંદિર), સરજુદાસ બાપુ, હસુરામ બાપુ સહિતના સંત મહંતોના વરદ હસ્તે દિપ પ્રાગટય કરી ખુલ્લો મુકવામાં આવ્યો હતો. રક્તદાન કેમ્પ અન્નદાન મહાદાન ગૃપ તેમજ ઓમકાર પેરા મેડીકલ એન્ડ ચેરીટેબલ ટ્રસ્ટ બોટાદ સંચાલિત શ્રીમતિ સોનાલીબેન અપૂર્વભાઈ શાહ બ્લડબેંક સહયોગથી યોજવામાં આવ્યો હતો જેમાં 100 રક્તદાતાઓએ રક્તદાન કર્યું હતું. રક્તદાન કેમ્પમાં શહેરના લોકો મોટી સંખ્યામાં જોડાયા હતા.

આ રક્તદાન કેમ્પ ને સફળ બનાવવા રક્તદાન મહાદાન ગૃપના શક્તિસિંહ નકુમ સહિતના સભ્યો તેમજ ઓમકાર પેરા મેડીકલ એન્ડ ચેરીટેબલ ટ્રસ્ટ બોટાદ સંચાલિત શ્રીમતિ સોનાલીબેન અપૂર્વભાઈ શાહ બ્લડબેંક ના કર્મચારીઓ દ્વારા જહેમત ઉઠાવવામાં આવી હતી.

રીપોર્ટર: ચિંતન વાગડીયા બરવાળા

આ પ્રકારના તમામ સમાચાર માટેે App ડાઉનલોડ કરો.