યુનિ. રોડ આકાશવાણી ચોક પાસેના ખુલ્લા પ્લોટમાં પાર્ક કરેલી કારમાંથી દારૂ-બીયરનો જથ્થો મળ્યો

યુનિ. રોડ પર યુનિવર્સિટી પોલીસનાં પેટ્રોલીંગ બે સ્થળેથી કારમાં છુપાવેલ દારૂ બીયરનો જથ્થો મળી આવતા ગુનો નોંધી કાર્યવાહી હાથ ધરી છે. યુનિ. પો.સ્ટે.ના રાત્રી પેટ્રોલીંગ દરમિયાન એ.એસ.આઇ. હાર્દિકભાઇ રવિયા, હે. કોન્સ. વિજુભા જાડેજા, પો.કોન્સ. મેહુલ ચુડાસમાએ આકાશવાણી ચોક પાસે આઇકોન પ્લેટીનિયમ બિલ્ડીંગની સામે ખુલ્લા પ્લોટમાં પાર્ક થયેલી કાર નં. જીજે 13 એબી 4444 કારમાંથી અલગ અલગ બ્રાન્ડની દારૂની બોટલ નંગ 341 બીયર ટીન નંગ 100 મળી આવતા
કુલ રૂા. 4,30,8પ0ના મુદામાલ જપ્ત કરી કાર માલીક સહિતનાની શોધખોળ આદરી છે. બીજા બનાવમાં હે.કોન્સ. કુલદીપસિંહ ચુડાસમા, પો.કોન્સ. મેહુલસિંહ ચુડાસમા, ભુપેન્દ્રસિંહ વાઘેલાને મળેલી ચોકકસ બાતમી આધારે આકાશવાણી ચોક પાસે પરીમલ સોસાયટી શેરી નં. 6, હોન્ડા કાર નં. જીજે 03 એચ 1010 તલાસી લેતા વિદેશી દારૂની બોટલ નંગ-24 કિ. રૂા. 9600 સાથે અશ્ર્વિન દીલીપભાઇ લાલવાણી રે. પ્રીતનગર સોસાયટીવાળાને ઝડપી લઇ દારૂ, મોબાઇલ, કાર સહિત રૂા. 4,16,670નો મુદામાલ કબ્જે લઇ ગુનો નોંધેલ છે.

આ પ્રકારના તમામ સમાચાર માટેે App ડાઉનલોડ કરો.