બાપા સીતારામ ચોક પાસે આવેલ ખુલ્લા પટમાંથી એનડીપીએસ, એટ્રોસિટી અને મારામારી સહિતના છ ગુનામાં ફરાર આરોપીની ધરપકડ

રાજકોટ માલવિયાનગર પોલીસ દ્વારા બાપા સીતારામ ચોક પાસે આવેલ ખુલ્લા પટમાંથી એનડીપીએસ, એટ્રોસિટી અને મારામારી સહિતના છ ગુનામાં ફરાર આરોપી મિલન ઉર્ફે એમ.કે. સંજય ખખ્ખર (ઉ.વ.28)ની ધરપકડ કરી કાયદેસરની કાર્યવાહી હાથ ધરી છે. અત્રે ઉલ્લેખનીય છે કે, કુખ્યાત મિલન લોહાણા અનેક ગુનામાં સંડોવાયેલો છે. પાંચ માસ પહેલાં SOGની ટીમે ચામુંડા નગરમાંથી બે કિલો ગાંજા સાથે એક શખ્સને પકડ્યો હતો. જે ગુનામાં ગાંજાના સપ્લાય તરીકે મિલનનું નામ ખુલ્યું હતું તેમજ છ માસ પેહલાં ખોડિયારનગરમાં દલિત યુવકને મારમારી તેના પર બાઇક ચડાવી જ્ઞાતિ પ્રત્યે હડધૂત કરતાં તેના વિરુદ્ધ એટ્રોસિટીની ફરિયાદ નોંધાઈ હતી. આ ઉપરાંત પોરબંદરમાં મારામારી, પશુ પ્રત્યે ઘાતકીપણું સહિતની કલમ હેઠળ અને જૂનાગઢમાં દારૂની હેરાફેરીનો ગુનો પણ નોંધાયેલ હતો આ તમામ ગુનામાં નાસતો ફરતો હતો.

આ પ્રકારના તમામ સમાચાર માટેે App ડાઉનલોડ કરો.