હળવદના રાતાભેર પાસેથી વિદેશી દારૂ ભરેલી swift ગાડી ઝડપાઈ એક ઝડપાયો, કારચાલક ભાગી ગયો

આ બનાવ અંગેની જાણવા મળતી વિગતો મુજબ હળવદ પોલીસે બાતમીને આધારે રાતાભેર ગામના પાદરમાં વોચ ગોઠવી સ્વીફ્ટ ગાડી રજી.નં. GJ.36.R.6291ને અટકાવી તલાસી લેતા કારનો ચાલક પિંન્ટુભાઈ અશોકભાઇ બોરાણીયા રહે,માથક વાળો નાસી ગયો હતો. બાદમાં પોલીસે કારમાં બેઠેલા અરવિંદભાઈ જીવણભાઈ આકરીયા, રહે.ડુંગરપુર તા.હળવદ વાળાને ઝડપી લઈ કારની તલાસી લેતા કારમાંથી “મેક ડોવેલ્સ નં-1 ડીલક્સ વીસ્કી ફોર સેલ ઈન પંજાબ ઓનલી” લખેલ 750 એમ.એલ.ની કંપની શીલપેક બોટલો નંગ-34 કિં.રૂ.12,750 તથા “ઓલ સિઝન્સ ગોલ્ડન કલેક્શન રીઝર્વ વીસ્કી ફોર સેલ ઇન પંજાબ ઓનલી” લખેલ 750 એમ.એલ.ની કંપની સીલપેક બોટલો નંગ-24 કિં.રૂ.9000 મળી કુલ બોટલો નંગ-58 કિ.રૂ.21,750 તેમજ રૂપિયા 3 લાખની કાર સહીત કુલ રૂપિયા 3,21,750નો મુદ્દામાલ કબ્જે કર્યો હતો અને પોલીસ દ્વારા પકડી પાડેલ આરોપીની પૂછપરછ કરતા વિદેશી દારૂનો આ જથ્થો પીન્ટુભાઇ અશોકભાઈ બોરણીયા રહે માથક વાળા પાસેથી મેળવ્યો હોવાની કબૂલાત આપતા પોલીસે ત્રણેય વિરુદ્ધ પ્રોહિબિશન એક્ટ હેઠળ કાર્યવાહી હાથ ધરી આ કામગીરીમાં હળવદ પીઆઈ કે એમ છાસિયા, હેડ કોન્સ્ટેબલ કિશોરભાઈ સોલગામા, દેવેન્દ્રસિંહ ઝાલા, ગંભીરસિંહ ચૌહાણ તેજપાલસિંહ ઝાલા, કમલેશભાઈ પરમાર સહિતના પોલીસ જવાનો રોકાયા હતા.

રિપોર્ટ રમેશ ઠાકોર હળવદ

આ પ્રકારના તમામ સમાચાર માટેે App ડાઉનલોડ કરો.