બી ડીવીઝન પોલીસના ત્રણ દરોડા : મહિલા સહિત 24 ઝડપાયા

શહેરમાં અધિક માસમાં જુગારીઓની મોસમ ખીલી હોય તેમ બી ડીવીઝન પોલીસે ત્રણ દરોડા પાડી પતા ટીંચતા બે મહિલા સહિત ર4 બાજીગરોને દબોચી રૂા. 98 હજારનો મુદામાલ કબ્જે કર્યો હતો.
દરોડાની વિગત અનુસાર બી ડીવીઝન પોલીસ મથકના પીઆઇ આર.જી.બારોટની રાહબરીમાં પીએસઆઇ કે.ડી.પટેલ ટીમ સાથે પેટ્રોલીંગમાં હતા ત્યારે મળેલ ચોકકસ બાતમીના આધારે કુવાડવા રોડ ડી માર્ટ સામે વલ્લભનગર સોસાયટી શેરી નં. 1માં રહેતા રોહિત રમેશ ડોબરીયાના મકાનમાં બંધબારણે ચાલતા જુગારમાં દરોડા પાડી પતા ટીંચતા રોહિત ડોબરીયા, રમેશ ઘેલા ડોબરીયા (રહે. વલ્લભનગર સોસાયટી શેરી નં.1) મનોહર નારણ લુણાગરીયા, હર્ષદ લક્ષ્મણ શિંગાળા, રેનીશ વિનોદ આડેસણા, ભાવીક નારણ લુણારીયા, વિવેક બટુક પરસાણા, સાગર ધીરજ લુણાગરીયા, પારસ નરસિંહ વસોયા, ભૌતિક બટુક પરસાણા (રહે. આઠેય મારૂતિનગર મેઇન રોડ, જયદીપ લખુ બોરીચા અને સંદિપ લખુ બોરીચા (રહે. સદગુરૂ રણછોડનગર શેરી નં.6)ને દબોચી રૂા. 52300 કબ્જે કર્યો હતો.
બીજા દરોડામાં કુવાડવા રોડ પર આવેલ ઉધમસિંહ ટાઉનશીપ બી/205માં રહેતા અશોક ગજાનંદ પરમારના ફલેટમાં બંધબારણે ચાલતા જુગારમાં દરોડો પાડી પતા ટીંચતા અશોક પરમાર, ચંદ્રેશ અરવિંદ રાધનપુરા, મીનાબેન અશોક પરમાર (રહે. ત્રણેય ઉધમસિંહ ટાઉનશીપ), હુશેન ઉમેદ અલી જામ (રહે. જંકશન રૂખડીયાપરા)અને અફસાનાબેન સીકંદર પરમાર (રહે. રામનાથપરા)ને દબોચી રૂા. 104500ની રોકડ કબજે કરી હતી.
ત્રીજા દરોડામાં ગ્રીનલેન્ડ ચોકડી પાસે શિવનગરમાં રહેતા જીજ્ઞેશ નાગજી હાપલીયાના મકાનમાં બંધબારણે ચાલતા તિનપતિના જુગારમાં દરોડા પાડી પતા ટીચંતા જીજ્ઞેશ હાપલીયા, તરૂણ રમેશ પીપળીયા, મીતેશ રમેશ પીપળીયા, મુકેશ જેરામ રામાણી, મનસુખ દેવરાજ લીંબાસીયા, નવીન સુંદરજી ભાદરા અને મનોજ નાનજી હાપલીયા (રહે. તમામ શીવનગર)ને દબોચી રૂા. 35600ની રોકડ કબ્જે કરી હતી.
9879405838

આ પ્રકારના તમામ સમાચાર માટેે App ડાઉનલોડ કરો.