પ્રેમસંબંધ મામલે યુવકને મહિલા સહિત ચાર શખ્સોએ ઢીકાપાટુનો માર માર્યો

ન્યારીડેમના પાટીયા પાસે પ્રેમસંબંધ મામલે ગરાસીયા યુવક પર મહિલા સહિત ચાર શખ્સોએ હુમલો કરી ધમકી આપતાં મામલો પોલીસ મથકે પહોંચ્યો હતો. બનાવ અંગે રૂડાનગર-2માં આવેલ બાપા સીતારામ હોસ્ટેલમાં રહેતા મુળ ભાવનગરના જેસર ગામના વતની અર્જુનસિંહ ભીખુભા સરવૈયા (ઉ.વ.25) એ પોલીસમાં જણાવ્યું હતું કે તેઓ ગઈકાલે સાંજે 6 વાગ્યાની આસપાસ કાલાવડ રોડ પર ન્યારી ડેમના પાટીયા પાસે હતા ત્યારે ધસી આવેલ સુરેશ, રાજેશ તથા એક અજાણ્યો શખ્સ તેમજ એક મહિલાએ પ્રેમસંબંધ બાબતનો ખાર રાખી ઝઘડો કરી યુવકનું ઢીકાપાટુનો માર મારી તેમજ ટાંટીયા ભાંગી નાંખવાની ધમકી આપી હતી.
બાદમાં ગંભીર રીતે ઘવાયેલ યુવકને સારવારમાં સીવીલ હોસ્પીટલે ખસેડાયો હતો.બનાવ અંગેની ફરિયાદ પરથી તાલુકા પોલીસ મથકના હેડકોન્સ્ટેબલ કે.એસ.ઝાલાએ વધુ તપાસ હાથ ધરી હતી.
9879405838

આ પ્રકારના તમામ સમાચાર માટેે App ડાઉનલોડ કરો.