મોતનું ઘૂંટાતું રહસ્ય: ગાંધીનગરથી અપહરણ કરવામાં આવેલી સગીરાની શંકાસ્પદ હાલતમાં લાશ મળી, હત્યાની શંકાનાં પગલે પોલીસે પેનલ ડોક્ટરથી પોસ્ટમોર્ટમ કરાવ્યું

ગાંધીનગરનાં શાહપુર બ્રિજ પાસેની બોગનવેલી નામની કન્સ્ટ્રક્શન સાઈટની રહેણાંક ઓરડીમાંથી 17 વર્ષીય સગીરાની શંકાસ્પદ હાલતમાં લાશ મળી આવતાં ઈન્ફોસિટી પોલીસ દ્વારા ઘનિષ્ઠ તપાસનો દોર શરૂ કરવામાં આવ્યો છે. બિહારથી ભાઈ-ભાભી સાથે 17 વર્ષીય સગીરા બોગનવેલી કન્સ્ટ્રક્શન સાઈટ પર મજૂરી અર્થે આવી હતી. આ દરમ્યાન અહીં મજૂરી કામ કામ કરતો બિહારનાં એમડી હસન નામના યુવાને સગીરાને પ્રેમજાળમાં ફસાવી હતી.બીજી તરફ રવિવારે એકાએક યુવાન સગીરાને ગંભીર હાલતમાં બોગનવેલી નામની કન્સ્ટ્રક્શન સાઈટ પર મૂકીને નાસી ગયો હતો. ત્યારે સગીરાના હાથ બાટલા ચડાવવાની ડ્રીપ પણ ભરાવી રાખી હતી. બાદમાં રહેણાંક ઓરડીમાંથી સગીરાની શંકાસ્પદ હાલતમાં લાશ મળી આવી હતી. જેની જાણ થતાં સગીરાનાં ભાઈ-ભાભી સહીતના અન્ય મજૂરો દોડી આવ્યા હતા.
આ બનાવની જાણ થતાં ઈન્ફોસિટી પોલીસ ઘટનાસ્થળે દોડી ગઈ હતી અને શંકાસ્પદ હાલતમાં સગીરાનું મોત નીપજ્યું હોવાથી સગીરાની લાશનું ગાંધીનગર સિવિલ હોસ્પિટલ ખાતે પેનલ ડોક્ટરોની ટીમ મારફતે પોસ્ટમોર્ટમ કરાવ્યું હતું. ત્યારે પોલીસે વધુ તપાસ હાથ ધરતાં સગીરાને લગ્ન કરવાની લાલચ આપી દુષ્કર્મ કરવાના ઈરાદે યુવાન અપહરણ કરીને ભગાડી ગયો હોવાનું સામે આવતા ઈન્ફોસિટી પોલીસે અપહરણ - પોક્સો એક્ટ હેઠળ પણ ગુનો દાખલ કર્યો છે.

આ પ્રકારના તમામ સમાચાર માટેે App ડાઉનલોડ કરો.