આંબેડકરનગર પાસેથી વિદેશી દારૂની 100 બોટલ સાથે મહિલા ની ધરપકડ

માલવીયાનગર પોલીસ મથકના પીએસઆઈ એમ.એસ. મહેશ્વરી ટીમ સાથે પેટ્રોલીંગમાં હતા ત્યારે મળેલ ચોકકસ બાતમીના આધારે એસટી વર્કશોપ પાછળ આંબેડકર શેરી નં.5માં રહેતી સુનીતા મયુર પરમાર (ઉ.32)ના મકાનમાં દરોડો પાડી તપાસ કરતા મહીલાના ઘરમાંથી વિદેશી દારૂની 100 ચપલા મળી આવતા પોલીસે દારૂના ચપલા મળી રૂા.10 હજારનો મુદામાલ સાથે મહીલાની ધરપકડ કરી પોલીસે દારૂનો જથ્થો કયાંથી લાવી તે અંગે પુછપરછ આદરી હતી.
બીજા દરોડામાં ક્રાઈમ બ્રાંચના એએસઆઈ સુરેશ જોગરાણા અને કોન્સ. સહદેવસિંહ જાડેજા સ્ટાફ સાથે પેટ્રોલીંગમાં હતા ત્યારે ગોંડલ રોડ ચોકડી, માલધારી ફાટક પાસેથી પસાર થતી બાઈક નં. જીજે 03 એચએન 9565ને અટકાવી કિશન મનસુખ જેઠવા (ઉ.29) (રહે. પારડી લોધીકા) અને મયુર બાબુ બાબરીયા (ઉ.32) રહે. નાનામવા સર્કલ આવાસ યોજના કવાર્ટરની તપાસ કરતા દારૂ પીધેલો હોવાનું માલુમ પડતા બન્ને શખ્સની ધરપકડ કરી બાઈક કબજે કરી હતી.
9879405838

આ પ્રકારના તમામ સમાચાર માટેે App ડાઉનલોડ કરો.