પ્રકૃતિ સામીપ્યના અનુભવ સાથે પોળો ફોરેસ્ટ ખાતે ઉત્તર ગુજરાત માહિતી વિભાગની ચિંતન શિબિર સંપન્ન
કુદરતના ખોળે…..પ્રકૃતિના સાંનિધ્યમાં….
પ્રકૃતિ સામીપ્યના અનુભવ સાથે પોળો ફોરેસ્ટ ખાતે ઉત્તર ગુજરાત માહિતી વિભાગની ચિંતન શિબિર સંપન્ન
પત્રકારત્વના સાંપ્રત પ્રવાહો' વિષય પર ગુજરાત સમાચારના ચીફ રિપોર્ટર મુકુંદ પંડ્યા અને BBCના પત્રકાર ભાર્ગવ પરીખનું માહિતીસભર વક્તવ્ય
ગુજરાત પ્રેસ અકાદમી ગુજરાત રાજ્ય અને પ્રાદેશિક માહિતી કચેરી અમદાવાદના સંયુક્ત ઉપક્રમે માહિતી ખાતાના અધિકારીઓ તેમજ કર્મચારીઓ માટે સાબરકાંઠા જિલ્લામાં આવેલા પોળોના જંગલમાં "પત્રકારત્વના સાંપ્રત પ્રવાહો" વિષય પર એક દિવસીય પરિસંવાદનું આયોજન કરવામાં આવ્યું હતું.
સમગ્ર રાજ્યમાં મીની કાશ્મીર તરીકે પ્રખ્યાત વિજયનગર પોળો ખાતે યોજાયેલી આ ચિંતન શિબિરમાં ‘પત્રકારત્વના સાંપ્રત પ્રવાહો' વિષય પર ગુજરાત સમાચારના ચીફ રિપોર્ટર શ્રી મુકુંદ પંડ્યા અને BBCના વરિષ્ઠ પત્રકાર શ્રી ભાર્ગવ પરીખે તેમના અનુભવોના આધારે પત્રકારત્વ અને લેખન કૌશલ અંગે વક્તવ્ય આપ્યું હતું
આ ઉપરાંત લેખન કૌશલ્યને વધુને વધુ લોકાભિમુખ અને અસરકારક બનાવવા અંગે તેમજ અસરકારક પ્રત્યાયન અંગે ગુજરાત પ્રેસ અકાદમીના સચિવ તેમજ અધિક માહિતી નિયામક શ્રી પુલક ત્રિવેદીએ માર્ગદર્શન આપ્યું હતું.
શિબિરમાં સૌનું શાબ્દિક સ્વાગત પ્રાદેશિક માહિતી કચેરી અમદાવાદના નાયબ માહિતી નિયામક હિમાંશુ ઉપાધ્યાયએ કર્યું હતું. સમગ્ર ઉત્તર ગુજરાત માહિતી વિભાગના તમામ જિલ્લાના અધિકારીઓ- કર્મચારીઓએ પ્રકૃતિના સાનિધ્યમાં શિબિર માણી હતી.
બોટાદ બ્યુરો:ચિંતન વાગડીયા
મો:૮૦૦૦૮૩૪૮૮૮
આ પ્રકારના તમામ સમાચાર માટેે
App ડાઉનલોડ કરો.