ઘરમાં સગીરાને એકલી જોઈ હવસનો કીડો સળવળ્યો:ઘરમાં ઘુસી કર્યો નિર્લજ્જ હુમલો

રાજકોટ શહેરમાં છેલ્લા કેટલાક સમયથી છેડતીમાં બનાવ અટકવાનું નામ નથી લેતા હજુ ગઈકાલે જ બાબરીયા કોલોનીમાં સગીરા પાલતું બિલાડીને લેવા અગાસીએ ગઇ ત્યારે ત્યાં પાડોશીમાં રહેતા એઝાંઝ નામના શખ્સે સગીરાનો હાથ પકડી શરીરે અડપલાં કર્યા હતા એ ગુન્હામાં આરોપીની ધરપકડ કરવામાં આવી છે.ત્યારે વધુ એક બનાવ પ્રકાસમાં આવ્યો છે.શહેરના મોરબી રોડ વેલનાથપરામાં રહેતાં અને દૂધનો ધંધો કરતાં શખ્સે એક સગીરા ઘરે એકલી હોવાનું જાણી ઘરમાં ઘુસી નિર્લજ્જ હુમલો કર્યો હતો.આ બનાવમાં પોલીસે પોકસો સહિતની કલમો હેઠળ ગુનો નોંધી આરોપીને સકંજામાં લેવા તજવીજ આદરી છે.
ભોગ બનેલી પંદર વર્ષની સગીરાના પિતાની ફરિયાદ પરથી મોરબી રોડ વેલનાથપરા-21માં રહેતાં કમલેશ મેપાભાઇ વરૂ નામના દૂધનો ધંધો કરતાં શખ્સ વિરૂધ્ધ નિર્લજ્જ હુમલો, પોક્સો હેઠળ ગુનો નોંધી બી ડિવિઝન પોલીસે તેની ધરપકડ કરવા તજવીજ હાથ ધરી છે.ફરિયાદીએ વધુમાં જણાવ્યું હતું કે તેઓ ગઈ તા.5/2ના રોજ ધંધાના કામે બહાર હતાં અને ઘ2ના બીજા સભ્યો બહારગામ ગયા હતાં ત્યારે પંદરવર્ષની દિકરી ઘરે એકલી હતી ત્યારે કમલેશ વરૂએ એકલતાનો લાભ લઇ ઘરમાં ઘુસી જઇ તેણીના શરીરે ગુપ્ત ભાગે અડપલાઓ કરી જાતીય હુમલો કર્યો હતો.
દિકરીએ દેકારો મચાવતા બાજુમાં જ રહેતા સબંધી ત્યાં આવી જતાં કમલેશ ભાગી ગયો હતો.પણ તે ભાગ્યો ત્યારે તે લોકો તેને ઓળખી ગયા હતાં.આ મામલે માથાકુટ થતાં અને મારામારી થતા સામસામે ફરિયાદ પણ થઈ હતી.જે તે વખતે ફરિયાદ કરવામાં મોડુ થઇ ગયું હોઇ હવે પોલીસને જાણ કરતાં પીઆઈ આર.જી.બારોટ અને હિતેષભાઈ ગઢવી સહિતે ગુનો નોંધ્યો હતો.
કમલેશ વિસ્તારમાં દૂધ દેવા આવતો હોઇ તેના કારણે સગીરાને ઓળખતો હતો અને બનાવને દિવસે સગીરાને એકલી જોઈને ઘરમાં ઘુસી જઈ નિર્લજ્જ હુમલો કર્યો હતો.આ બનાવમાં આરોપીને સકંજામાં લેવા તજવીજ આદરી છે.
9879405838

આ પ્રકારના તમામ સમાચાર માટેે App ડાઉનલોડ કરો.