દારૂ વેંચવા મામલે બુટલેગર જૂથ વચ્ચે મારામારી:પાંચ શખ્સો સકંજામાં

રાજકોટના રામનાથપરામાં આવેલા ભવાનીનગરમાં દારૂ વેચવા મામલે બુટલેગરના બે જૂથ વચ્ચે માથાકૂટ થઈ હતી જેમાં નામચીન બુટલેગર બાલી ના જૂથે માથાકૂટ કરતા બે વ્યક્તિ ઘવાયા હતા અને તેઓને સારવાર માટે સરકારી હોસ્પિટલમાં ખસેડાયા છે.આ મામલે એ ડિવિઝન પોલીસ સ્ટાફે કાર્યવાહી આદરી છે. વધુ વિગતો મુજબ,થોરાળા વિસ્તારમાં રહેતા સદ્દામ હુસેનભાઇ દાવદાણી(ઉ.વ.30) અને અવેશ અયુબ ઓડિયા(ઉ.વ.25) બંને રાત્રિના સમયે રામનાથપરા જૂની જેલ પાસે ભવાનીનગરમાં હતા ત્યારે નામચીન બાલી,મહેશ,શંભૂ,જીતુ અને અજાણ્યા શખ્સે તીક્ષ્ણ હથિયાર વડે હુમલો કરતા બંનેને માથામાં ઇજા થતા સારવાર માટે સરકારી હોસ્પિટલમાં ખસેડાયા છે.હાલ એવું ચર્ચાઈ રહ્યું છે કે,બંને પક્ષ એકબીજાના વિસ્તારમાં દારૂનો વેપલો કરવો નહી એ મામલે ભેગા થયા બાદ બંને સામસામી માથાકૂટ કરી હતી.હાલ એ ડિવિઝન પોલીસે સામસામે કુલ પાંચેક શખ્સોને સકંજામાં લઈ પૂછપરછ કરવામાં આવી છે.
9879405838

આ પ્રકારના તમામ સમાચાર માટેે App ડાઉનલોડ કરો.