ઓફીસમાં ચાલતી જુગાર-કલબમાં દરોડો: 15 શખ્સો ઝબ્બે

નવાગામ બસ સ્ટેન્ડની બાજુમાં હર્ષદ જૈન નામના શખ્સની ઓફીસમાં ચાલતી વરલી ફીચરની જુગાર કલબમાં કુવાડવા પોલીસે દરોડો પાડી 14 શખ્સોને દબોચી રોકડ અને મોબાઈલ ફોન મળી રૂા.66800નો મુદામાલ જપ્ત કર્યો હતો.
દરોડાની વિગત અનુસાર, કુવાડવા રોડ પોલીસ મથકના પીઆઈ કે.જે. રાણાના માર્ગદર્શન હેઠળ પીએસઆઈ જે.ડી. વસાવા ટીમ સાથે પેટ્રોલીંગમાં હતા ત્યારે નવાગામ બસ સ્ટેન્ડની સામે વચ્છરાજ હોટલ પાસે આવેલ ઓફીસમાં વરલી ફીચરની જુગાર કલબ ચાલે છે તેવી ચોકકસ બાતમીના આધારે પોલીસની ટીમે દરોડો પાડી ઓફીસના માલીક હર્ષદ ખોડીદાસ મહેતા (ઉ.67) રહે. રાજમોતી મીલ સામે શેરી નં.5ને દબોચી તેની પાસેથી ડાયરી ક્બજે કરી તપાસ કરતા તેમાંથી વરલી ફીચરના આંકડા લખેલા મળી આવ્યા હતા.
તેમજ દરોડા દરમિયાન નાસભાગ મચી ગઈ હતી. પોલીસે વિશાલ મનસુખ ઝાપડા (ઉ.21) (રહે. નવાગામ શેરી નં.4) લીંબા કરશન સોલંકી (ઉ.45) (રહે. લાલપરી, પોલીસ ચોકી પાસે), ઉકા ગાંડુ મોરતરીયા (ઉ.62) (રહે. લાલપરી છ ના ખુણા પાસે), તાવા બલુ અઘાટીયા (ઉ.40) (રે.નવાગામ) વિનોદ મેરામ સરવૈયા (ઉ.45) રહે. અણાઘાટીયા હાઈવે) હસમુખ રવજી પાઘરીયા (ઉ.34) (રહે. નવાગામ ઢોરા પાસે), શૈલેષ રત્ના સિંગાણા (ઉ.53) (રહે. નંદા હોલ શેરી નં.5, કોઠારીયા રોડ), ચિરાગ બિજલ જખેલીયા (ઉ.65) (રહે. બેડી ગામ) અજીતસિંહ શીવુભા ઝાલા (ઉ.65) (રહે. માર્કેંટીંગ યાર્ડ સાગર નગર પાસે), ભરત સુરજ ભીલ (ઉ.45) (રહે. હુડકો ચોકડી નદીના કાંઠે), જસવંત ભુદર રાણપરા (ઉ.40) (રહે. હુડકો કવાર્ટર નં.104) મહેશ સવજી ખવાસ (ઉ.60) (રહે.નવાગામ) રાજુ જીવણ બાવુકીયા (ઉ.40) (રહે. કુવાડવા) અને વિપુલ વસંત સંચાણી (ઉ.42) રહે. આનંદનગર બ્લોક નં.48ને દબોચી રોકડ અને મોબાઈલ ફોન 11 મળી રૂા.66800નો મુદામાલ કબ્જે કર્યો હતો. જયારે દરોડા દરમિયાન વિપુલ સંચાણીને પગમાં દુ:ખાવો ઉપહતા પોલીસની ટીમે તેને સારવારમાં સીવીલ હોસ્પીટલમાં ખસેડયો હતો.

આ પ્રકારના તમામ સમાચાર માટેે App ડાઉનલોડ કરો.