વિજયનગરમાં પરપ્રાંતિય નવોઢાએ ફાંસો ખાઇ મોતને વ્હાલુ કર્યુ

કોઠારીયા રોડ પર ખોડીયાર ટેકરીની પાછળ વિજયનગર-1માં રહેતા સલમાબાનુ સિકંદરભાઇ કાગત (ઉ.વ.19) ગત રાત્રીના તેના પતિ કામ પર ગયા બાદ અગમ્ય કારણોસર પંખાના હુકમાં ચુંદડી બાંધી ગળાફાંસો ખાઇ આપઘાત કરી લીધો હતો. ઘરે આવેલા પતિએ દરવાજો ખોલતા પત્ની લટકેલી જોવા મળતા આક્રંદ મચી ગયો હતો. 108ને જાણ કરતા 108ના ઇએનટીએ તેને તપાસી મૃત જાહેર કર્યા હતા.

બનાવ અંગે ભકિતનગર પોલીસને જાણ કરાતા પીએસઆઇ એ.જે.લાઠીયા સહિતનો સ્ટાફ દોડી ગયો હતો અને જરૂરી કાગળો કરી મૃતદેહને પી.એમ. અર્થે સીવીલમાં ખસેડી આપઘાતનું કારણ જાણવા પરિવારની પુછપરછ હાથ ધરી હતી. વધુમાં મૃતકનો પરિવાર મુળ રાજસ્થાનનાં વતની છે અને તેમના લગ્ન એક વર્ષ પહેલા જ થયા હતા. બનાવથી પરિવારમાં કલ્પાંત છવાયો હતો.

આ પ્રકારના તમામ સમાચાર માટેે App ડાઉનલોડ કરો.