મહીસાગર લોકલ ક્રાઇમ બ્રાન્ચ દ્વારા દારૂના જથ્થા સહિત રૂ. ૧.૩ લાખના મુદ્દામાલ સાથે સ્વિફ્ટ ગાડી ઝડપાઈ

મહીસાગર જીલ્લા પોલીસ અધિક્ષક રાકેશ બારોટ દ્વારા સુચના અને માર્ગદર્શન હેઠળ એલ.સી.બી, સ્ટાફના માણસોની અલગ અલગ ટીમો બનાવી આગામી ૩૧ ડીસેમ્બરના અનુસંધાને સઘનમાં સઘન પેટ્રોલિંગ તથા વાહન ચેકિંગ હાથ ધરવામાં આવ્યું હતું. દરમ્યાન એલ.સી.બી. પોલીસ ઇન્સપેકટર આર.ડી.ભરવાડને ખાનગી રાહે બાતમી મળેલ કે લુણાવાડા પોલીસ મથકના દોલતપુરા ગામ તરફ થી ગોલાના પાલ્લા ગામ તરફ એક સફેદ કલરની સ્વિફ્ટ ગાડી પરપ્રાંતિય દારૂ ભરી આવનાર છે તેવી બાતમી આધારે સ્ટાફના માણસોને સુચના કરતા સ્ટાફના માણસોએ ગોલાના પાલ્લા ગામે ખાનગી વાહનમાં વોચમાં રહેલ તથા વાહન ચેકીંગ રાખેલ. દરમ્યાન ઉપરોકત વર્ણનવાળી
ગાડી આવતા ટીમના માણસોએ વાહનોની આડાશ કરી ગાડી રોકી લીધેલ તથા આ ગાડીમાં ચેક કરતાં પરપ્રાંતિય દારૂ ભરેલ હોવાનુ જણાઇ આવ્યું હતું. જેથી ગાડી તથા એક ઇસમને ઝડપી એલ.સી.બી. ઓફીસ લાવી વધુ ચેક કરતાં અલગ અલગ માર્કાના પરપ્રાંતીય ભારતીય બનાવટની બોટલો નંગ -૨૩૯ જેની કુલ કીમત રૂા.૦૧,૦૩,૯૬૫/- તથા દારૂની હેરાફેરીમાં ઉપયોગમાં લીધેલ સ્વીફટ કબજે કરાઈ

આ પ્રકારના તમામ સમાચાર માટેે App ડાઉનલોડ કરો.