માજોઠીનગરમાં રૂ.11 હજારની ઝોંટ મારી દારૂડિયા શખ્સે પરપ્રાંતીય યુવકને મારમાર્યો

માજોઠીનગરમાં દારૂડિયા શખ્સે ઘરમાં ઘુસી રૂ.11 હજારની લૂંટ ચલાવી પરપ્રાંતીય યુવકને મારમારી નાસી છૂટ્યો હતો. બનાવમાં ઇજાગ્રસ્ત યુવકને સારવારમાં ખસેડવામાં આવ્યો હતો. પ્રાપ્ત વિગત મુજબ, દૂધસાગર મેઈન રોડ પર આવેલ માજોઠીનગરમાં રહેતાં રમેશભાઇ શુક્લભાઈ પ્રસાદ (ઉ.વ.42) ગઈકાલે સાંજના ઘરે હતાં ત્યારે દારૂના નશામાં ઘરમાં ઘુસેલ પાડોશી શખ્સે પથારી નીચે રહેલા રૂ.11 હજારની રોકડની ઝોંટ મારી રમેશભાઇ પર છરીના હાથાથી મારમારી નાસી છૂટ્યો હતો. બનાવમાં ઇજાગ્રસ્ત યુવકને સારવારમાં સિવિલ હોસ્પિટલમાં ખસેડવામાં આવ્યો હતો. બનાવ અંગે સિવિલ ચોકીના સ્ટાફે થોરાળા પોલીસને જાણ કરતાં સ્ટાફ દોડી આવ્યો હતો અને ઇજાગ્રસ્તનું નિવેદન નોંધી તપાસ હાથ ધરી હતી. વધુમાં ઇજાગ્રસ્ત યુવકે જણાવ્યું હતુ કે, તે મૂળ યુપીનો વતની છે અને તે મજૂરી કામ કરે છે ગતરોજ તે સૂતો હતો ત્યારે દારૂડિયાએ રૂપિયાની લૂંટ ચલાવી નાસી છૂટ્યો હતો.

આ પ્રકારના તમામ સમાચાર માટેે App ડાઉનલોડ કરો.