મવડીના કાર્નિવલ પાર્ટી પ્લોટ પાસે પૂર્વ પતિ અને તેની સ્ત્રી મિત્ર પર અગાઉની પત્ની સહિતનાનો હુમલો

મવડી નજીક આવેલા કાર્નિવલ પાર્ટી પ્લોટ પાસે યુવક સ્ત્રીમિત્ર સાથે ઉભો હતો ત્યારે અગાઉની પત્ની તેને જોઈ જતા યુવક અને સ્ત્રીમિત્રને ચાર શખ્સોએ મારમાર્યો હતો.જ્યારે સામાંપક્ષે પણ પિતા-પુત્રીએ મારમાર્યો હોવાનો આક્ષેપ કરતા રાજકોટ તાલુકા પોલીસમાં ફરિયાદ નોંધાઈ છે. વધુ વિગતો મુજબ,મવડીમાં અંબિકા ટાઉનશિપ પાસે ગ્રીન આઇસ એપાર્ટમેન્ટમાં રહેતા શ્રેયસ ભરત ભાઈ નેસડીયા(પટેલ)(ઉ.વ.33)એ ફરિયાદમાં તેની પૂર્વ પત્ની કૃણાલબેન મહેન્દ્રભાઈ વાછાણી, મહેન્દ્રભાઈ, ગોકુલભાઈ અને શ્રેયભાઈ સાવસાણીનું નામ આપતા તેઓ સામે ફરિયાદ નોંધાઈ છે.શ્રેયસભાઈએ ફરિયાદમાં જણાવ્યું હતું કે,પોતે નોકરી કરે છે તેમના લગ્ન કૃણાલબેન સાથે થયા હતા મનમેળ ન આવતા છુટાછેડા થઈ ગયા હતા.ગઈકાલે તેઓ તેમની સ્ત્રી મિત્ર રેણુકાબેન કાથડ સાથે ઉભા હતા.
ત્યારે તેમની અગાઉની પત્ની કૃણાલબેન તેમના પરિવાર સાથે નીકળી ત્યારે શ્રેયસને જોઈ જતા શ્રેયસ અને રેણુકા પર તમામે ઢીકા પાટુનો મારમાર્યો હતો તેમજ જતા જતા ધમકી આપી હતી કે તું જ્યાં દેખાઈશ ત્યાં મારીશું.બાદમાં તેઓ જતા રહ્યા હતા.
બીજા બનાવમાં જીવરાજ પાર્ક પાસે કેવલમ પાર્કમાં રહેતા કૃણાલબેન મહેન્દ્રભાઈ વાછાણી (પટેલ) (ઉ.વ.32)એ પોતાની ફરિયાદમાં તેમના પૂર્વ પતિ શ્રેયસ અને તેની મિત્ર રેણુકા કાથડ સામે ફરિયાદ નોંધાવી હતી.ફરિયાદમાં જણાવ્યું હતું કે,અગાઉના પતિ તેની સ્ત્રી મિત્ર સાથે ઉભા હતા જે મામલે બોલાચાલી થતા તેઓએ ધક્કા મારી જમીન પર પછાડી ઢીકા પાટુનો મારમાર્યો હતો.તેમજ પછી જોઈ લેવાની ધમકી આપી હતી.આ અંગે રાજકોટ તાલુકા પોલીસ મથકમાં ફરિયાદ નોંધાઈ છે.

આ પ્રકારના તમામ સમાચાર માટેે App ડાઉનલોડ કરો.