વેલનાથપરામાં મકાનમાં ચાલતું જુગારધામ ઝડપાયું: પાંચ શખ્સો ઝબ્બે
વેલનાથપરામાં આવેલ મકાનમાં ચાલતાં જુગારધામમાં પોલીસે દરોડો પાડી પાંચ શખ્સોને દબોચી રૂ.14 હજારની રોકડ કબ્જે કરી હતી. દરોડાની વિગત અનુસાર, બી ડિવિઝન પોલીસ મથકના પીઆઇ આર.જી.વ્યાસના માર્ગદર્શન હેઠળ હેડ કોન્સ્ટેબલ કે.કે.નિરાલા અને કોન્સ્ટેબલ નિતેશભાઇ સ્ટાફ સાથે પેટ્રોલિંગમાં હતાં
ત્યારે મળેલ ચોક્કસ બાતમીના આધારે વેલનાથપરામાં આવેલ કૈલાસપાર્કમાં રહેતાં સુરેશ લાખા અગેશણીયાના મકાનમાં બંધબારણે ચાલતાં જુગારમાં દરોડો પાડી સુરેશ અગેશનિયા, રાહુલ ઉર્ફે નવઘણ ભરત દેત્રોજા ,રમેશ કેશુ જાખેલીયા, ઉમેશ ધનજી વીંજવાડિયા અને ધનજી રાણા વીંજવાડિયાને રૂ.14 હજારની રોકડ સાથે દબોચી કાયદેસરની કાર્યવાહી કરી હતી.
આ પ્રકારના તમામ સમાચાર માટેે
App ડાઉનલોડ કરો.