કારમાં તલવાર લઈ નીકળેલો જીતેન્દ્રસિંહ દબોચાયો

હાલ વિધાનસભાની ચૂંટણીને ધ્યાને લઈ શહેર પોલીસ એલર્ટ છે ત્યારે એ ડીવીઝન પોલીસ મથકના પીએસઆઈ એમ.વી. લુવા અને તેના સ્ટાફે મોડી રાત્રે બારેક વાગ્યા આસપાસ નશો કરી સ્કોડા કાર ચલાવતા શખ્સને અટકાવી તપાસ કરતા કારમાંથી મ્યાન વગરની તલવાર મળી આવી હતી.
પોલીસ સ્ટાફે પેટ્રોલીંગ દરમિયાન બસપોર્ટ નજીક આરએમસી ચોક પાસે જીજે 18 બીબી 7530 નંબરની સ્કોડા કારને અટકાવી કાર ચાલકને તપાસતા તે પીધેલી હાલતમાં જણાયો હતો. જેથી કારની ઝડતી લેવામાં આવતા કારની ડીકીમાંથી 3 ફુટ લાંબી ખુલ્લી મ્યાન વગરની તલવાર નીકળી હતી.
આરોપીનું નામ ઠામ પુછતા પોતે વાલ્કેશ્ર્વર સોસાયટી શેરી નં.4માં રહે છે અને નામ જીતેન્દ્રસિંહ નથુભા સોલંકી (ઉ.વ.50) હોવાનું જણાવ્યું હતું. આરોપીની અટકાયત કરી કાર અને તલવાર જપ્ત કરી ગુનો દાખલ કરાયો હતો.

આ પ્રકારના તમામ સમાચાર માટેે App ડાઉનલોડ કરો.