અમારી સામે કેમ જોવો છો’ કહી બે યુવકો પર ચાર શખ્સનો પાઈપથી હુમલો

માલધારી ફાટક પાસે આવેલ રેસ્ટોરન્ટમાં સામું જોવા મામલે ઝઘડો થતાં બે યુવકો પર ચાર અજાણ્યા શખ્સોએ લાકડી અને પાઈપથી હુમલો કરતાં બંન્ને યુવકોને ઈજાગ્રસ્ત હાલતમાં સારવારમાં ખસેડાયા હતો.બનાવ અંગેની વિગત અનુસાર નાનામવામાં રહેતા અભિજીતસિંહ કિરીટસિંહ જાડેજા (ઉ.વ.26) અને તેનો મીત્ર રવિરાજસિંહ કિશોરસિંહ જાડેજા (ઉ.વ.24) (રહે.શાસ્ત્રીનગર) બંન્ને સાથે ગત રાત્રીના 10 વાગ્યે ગોંડલ ચોકડી પાસે માલધારી ફાટક નજીક આવેલ રજપુતાના નોનવેજમાં જમવા માટે ગયા હતા.
ત્યારે ત્યાં ધસી આવેલા અન્ય ચાર અજાણ્યા શખ્સોએ તમે અમારી સામે કેમ જોવો છો કહી ઝઘડો કરી લાકડી અને પાઈપથી હુમલો કરતાં બંન્ને યુવકોને શરીરે ગંભીર ઈજા પહોંચતા સારવારમાં સીવીલ હોસ્પિટલે ખસેડવામાં આવ્યા હતાં. બનાવ અંગે સીવીલ ચોકીનાં સ્ટાફે આજીડેમ પોલીસને જાણ કરતાં સ્ટાફ દોડી આવ્યો હતો. અને ઈજાગ્રસ્તનું નિવેદન નોંધી આરોપીની શોધખોળ હાથ ધરી હતી.

આ પ્રકારના તમામ સમાચાર માટેે App ડાઉનલોડ કરો.