રવિ પાર્કના મકાનમાંથી સોનાના દાગીના અને રોકડ સહિત રૂ.5.77 લાખની ચોરી

કાલાવડ રોડ પર રવિ પાર્કમાં રહેતા રવિભાઇ હસમુખભાઇ ભાલાણી(સોની)(ઉ.વ.36)ના મકાનમાંથી સોનાના દાગીના અને રોકડ સહિત રૂ.5.77 લાખની તસ્કરી થતા યુનિવર્સિટી પોલીસમાં ફરિયાદ નોંધાઈ છે.આ અંગે ક્રાઇમ બ્રાન્ચ અને સ્થાનિક પોલીસે સીસીટીવી ફુટેઝના આધારે તપાસ આદરી છે.
રવિભાઈએ ફરિયાદમાં જણાવ્યું હતું કે,હું મારા પરિવાર સાથે રહુ છુ અને ટાગોર રોડ ઉપર આવેલ અતુલ મોટર્સ મારૂતીના શો રૂમમાં ઇન્સ્યોરન્સ વિભાગમાં નોકરી કરી મારા પરિવારનું ગુજરાન ચલાવુ છુ.હું પરિવાર સાથે આ મકાનમાં છેલ્લા સાતેક મહિનાથી રહીએ છીએ અને મારા માતા કુંદનબેન અમારા થી અલગ ઢેબર કોલોની, કવાર્ટર નં.83, "શીવ કુપા"મકાન, કોલવા હનુમાન મંદીરમાં રહે છે.ગઇ તા.16/10ના બપોરના હું તથા મારી પત્નિ તથા દિકરો મારા માતાના ઘરે દિવાળીનું કામકાજ હોવાથી ગયા હતા.
અમો જયારે ત્યાં જવા માટે નીકળેલ ત્યારે મે મારા મકાને મેઇન દરવાજા ને તથા ડેલી ને તાડુ મારી લોક કરેલ હતુ. અને બાદમાં તે રાત્રીના હું મારા ઉપરોકત મકાને મારા દિકરાનો સ્કુલનો યુનિફોર્મ તથા ચોપડા લેવા માટે ગયેલ હતો અને ત્યારે પણ હું ઘરેથી નીકળેલ ત્યારે મે મારા મકાનના મેઇન દરવાજે તેમજ ડેલીએ તાળુ મારેલ હતુ અને હું મારા મમ્મીના ઘરે જતો રહેલ હતો.
ગઈકાલે સાંજના હું તથા મારા પત્નિ તથા દિકરો મારા ઘરે આવેલ ત્યારે અમે મકાનની ડેલીએ તાળુ લગાવેલ હતુ તે તાળું ખોલી હું ફળીયામાં ગયા અને જોયેલ તો અમારા મકાનના મુખ્ય દરવાજે લગાવેલ તાળુ નીચે દરવાજા પાસે પડેલ હતુ અને દરવાજાનો નકુચો તુટેલ જોવામાં આવેલ અને દરવાજો ખાલી બંધ હતો.જેથી મને અમારા ઘરમાં કાંઇક અજુગતુ થયેલ હોવાનુ લાગેલ અને મે દરવાજા ને ધક્કો મારી મકાનમાં પ્રવેશ કરેલ તો અમારા મકાનમાં આવેલ હોલમાં સામાન વેર વિખેર હાલતમાં પડેલ હતો અને બાદ હું હોલ બાદ રસોડા પછી જે રૂમ આ વેલ છે ત્યાં ગયેલ અને જોયેલ તો તે રૂમમાં રાખેલ મારા કબાટના દરવાજા ખુલ્લા હતા અને સામાન વેર વિખેર હાલતમાં રૂમમાં નીચે પડેલ હતો.
ઘરમાં તપાસ કરતા મારા આ કબાટમાં રોકડા રૂ.7,000 અને 13 તોલા સોનાના દાગીના તીજોરી માં જોવામાં આવેલ નહી જેથી અમારા મકાનમાંથી કુલ રૂ.5.77 લાખની ચોરી કરી લઈ જતા યુનિવર્સિટી પોલીસમાં ફરિયાદ નોંધાવી હતી.આ અંગે ક્રાઇમબ્રાન્ચ તેમજ યુનિવર્સિટી પોલીસના પીઆઇ એ.બી.જાડેજા સહિતનો સ્ટાફ ઘટનાસ્થળે પહોંચી ગયો હતો અને તપાસ શરૂ કરી હતી.

આ પ્રકારના તમામ સમાચાર માટેે App ડાઉનલોડ કરો.