ધરમનગરમાં 12 કિલો ગાંજા સાથે એક શખ્સ ઝડપાયો

રાજકોટ શહેર SOG પોલીસ દ્વારા આજે ગાંજાના મોટા જથ્થા સાથે એક આરોપીની ધરપકડ કરવામાં આવી છે. રાજકોટ SOG પોલીસ ગઇકાલે રાત્રિના પેટ્રોલિંગમાં હતી એ દરમિયાન ચોક્કસ બાતમી મળી હતી. જેના આધારે મારવાડી મફતિયાપરા ધરમનગર પાછળથી રામચંદ્ર મારવાડી નામના શખ્સની ગાંજાના જથ્થા સાથે ધરપકડ કરવામાં આવી છે. પોલીસે તેની તપાસ લેતા તેની પાસેથી કુલ 1.20 લાખ કિંમતનો 12 કિલો ગાંજો મળી આવતા FSLની મદદ લઇ પોલીસે ધરપકડ કરી કાયદેસરની કાર્યવાહી હાથ ધરી હતી. પોલીસ તપાસમાં આરોપી છેલ્લા એક વર્ષથી ગાંજાનું વેચાણ કરતો હોવાનું સામે આવ્યું છે. ત્યારે ગાંજો કોની પાસેથી લાવી કેટલી કિંમતમાં કોને વેચતો હતો સહિતના મુદ્દે વધુ તપાસ યુનિવર્સિટી પોલીસે હાથ ધરી છે.

આ પ્રકારના તમામ સમાચાર માટેે App ડાઉનલોડ કરો.