જસદણ ના જંગવડ ગામ પાસે બાઈકસ્લિપ થતા જસદણના યુવાનનું સારવારમાં મોત

જસદણ ના જંગવડ ગામ પાસે બાઈક સ્લીપ થતા જસદણના યુવાનનું સારવારમાં મોત નીપજ્યુ હતું પોલીસે બનાવની નોંધ કરી ધોરણસરની કાર્યવાહી હાથ ધરી છે.
આ બનાવની મળતી માહિતી અનુસાર મૂળ ગોંડલ તાલુકાના મોટાદડવા ગામના અને હાલ જસદણની પુષ્કરધામ સોસાયટીમાં રહેતા ભીખુભાઈ ભાણજીભાઈ ચાવડા(ઉ.વ.45) નામના યુવાન ગત રાત્રીના જંગવડ ગામ તરફથી બાઈક લઈને જસદણ સાઈડ આવતા હતા. ત્યારે અચાનક તેમનું બાઈક સ્લીપ થતા તેઓ રોડ પર ફંગોળાઈ જતા તેમને માથા સહિતના ભાગે ગંભીર ઈજાઓ પહોંચી હતી. આ અકસ્માતની જાણ થતા હરીકૃપા પેટ્રોલપંપનો સ્ટાફ ત્યાં દોડી ગયો હતો. બાદમાં જંગવડ ગામે રહેતા પંપના મેનેજર વિનુભાઈ ખીસરીયાને અને 108 ને જાણ કરતા પંપના મેનેજર વિનુભાઈ તાત્કાલીક
અકસ્માત સ્થળે દોડી આવી
ઈજાગ્રસ્ત ભીખુભાઈ ચાવડાને ખાનગી કારમાં તાત્કાલિક સારવાર માટે આટકોટની હોસ્પિટલે લઈ જતા હતા. પરંતુ રસ્તામાં જસદણની 108 એમ્બ્યુલન્સ સામે મળતા ઈજાગ્રસ્તને તાત્કાલિક તેમાં ટ્રાન્સિફર કરી 108 મારફત આટકોટની હોસ્પિરટલ ખાતે ખસેડવામાં આવ્યાા હતા. જો કે ઈજાગ્રસ્ત યુવાનને માથા સહિતના ભાગે ગંભીર ઈજાઓ પહોંચી હોવાથી ત્યાંથી જસદણની ખાનગી હોસ્પિડટલમાં ખસેડ્યા બાદ વધુ સારવાર માટે રાજકોટની હોસ્પિટલમાં ખસેડવામાં આવ્યા હતા. જ્યાં તેમનું સારવાર દરમિયાન મોત નીપજતા પરિવારજનોમાં ઘેરો શોક છવાઈ ગયો હતો. આ અકસ્માતના બનાવની વધુ તપાસ આટકોટ પોલીસ ચલાવી રહી છે.
રીપોર્ટ રસીક વિસાવળીયા 7801900172

આ પ્રકારના તમામ સમાચાર માટેે App ડાઉનલોડ કરો.