સાસરીયે પત્નીને મળવા ગયેલા યુવક પર સાળા સહિત ત્રણનો હુમલો

હુડકો પોલીસ ચોકી પાછળ કિષ્ના ચોકમાં રહેતા સસરાના ઘરે બિમાર પત્નીની ખબર કાઢવા ગયેલા કરણ સોલંકી પર તેના સાળા, મામાજી સસરા સહીત ત્રણ શખ્સોએ ઢીંકાપાટુંનો મારે મારતા સારવારમાં અત્રેની સીવીલ હોસ્પીટલે ખસેડાયો હતો.બનાવ અંગે સિવિલ ચોકીના સ્ટાફે ભકિતનગર પોલીસને જાણ કરી હતી. પ્રાપ્ત વિગત અનુસાર, મવડી ચોકડી, નજીક કિષ્ટલ હેવન એપાર્ટમેન્ટમાં રહેતાં કરણ ભરતભાઈ સોલંકી (ઉ.વ.22) ગઈ રાત્રે હુડકો પોલીસ ચોકી પાસે કિષ્ના ચોકમાં રહેતા સસરાના ઘરે તેની પત્ની ને મળવા ગયો હતો ત્યારે હાજર તેનો સાળો કિશન, મામાજી સસરા જીતુભાઈ અને તેનો મીત્ર સહિતનાઓએ મળી ઝઘડો કરી ઢીકાપાટુંનો મારમાર્યો હતો.વધુમાં ઈજાગ્રસ્તના પિતાએ જણાવ્યું હતું કે કરણના લગ્નમાં ખુશાલીનામની યુવતી સાથે ચારમાસ પહેલા થયા હતાં. જે બાદ તેની પત્ની માવતરે ગયા બાદ પરત ન આવતાં કરણે ફોન કરીને આવવા માટે પુછતાં બિમાર હોવાનું બહાનું બતાવ્યું હતું. જે બાદ કરણ ગત રાત્રે તેમની ખબર અંતર પુછવા જતા તેના સાસરીયાએ ઝઘડો કરી મારામારી કરી હતી.

આ પ્રકારના તમામ સમાચાર માટેે App ડાઉનલોડ કરો.