સુરેન્દ્રનગરમાં વિદેશી દારૂનાં જથ્થા સાથે 6 આરોપીઓ ઝડપાયા.

બાવળિયા ઉમેશભાઈ સુરેન્દ્રનગર

સુરેન્દ્રનગર શહેરના અલગ અલગ સ્થળોએ બી-ડિવિઝન પોલીસ ટીમે પેટ્રોલિંગ હાથ ધર્યું હતું. ત્યારે સુરેન્દ્રનગર ઉદ્યોનગર પાછળ શ્રીનગર સોસાયટીમાં રહેતા ગીરીરાજસિંહ ભરતસિંહ ઝાલા તેમના ન્યૂ ગુજરાત હાઉસિંગ બોર્ડ નવા શંકરના મંદિર પાસે આવેલા મકાન નં. 6માં વિદેશી દારૂનો જથ્થો સંતાડી રાખી વેચાણ કરાતા હોવાની પીએસઆઈ વી.એન.જાડેજાને બાતમી આધારે પીએસઆઈ તેમજ હેડ કોન્સ્ટેબલ અજીતસિંહ સોલંકી,પંકજસિંહ હેરમા સહિત સમગ્ર ટીમ દ્વારા દરોડો પાડી જેમાં ગિરિરાજસિંહ ભરતસિંહ ઝાલાને કિ.રૂ. 14,400 ની કિંમતની 48 વિદેશી દારીની બોટલ સાથે ઝડપી લીધા હતા. જ્યારે બીજો દારૂનો જથ્થો પણ કેટલાક શખ્સો લઇ ગયાનું ખૂલતા પોલીસે રાતોરાત આરોપીના ઘરે દરોડા કરતા સુરપાલસિંહ જયેદવસિંહ જાડેજાને કિ.રૂ. 72,00 ની કિંમતની 24 દારૂની બોટલ, દિવ્યાંગ ઉર્ફે રાજા પ્રવિણભાઈ જાદવને કિ.રૂ. 72,00 ની કિંમતની દારૂની 24 બોટલ સાથે ઝડપી લીધા હતા.આ ઉપરાંત કિ.રૂ. 9,000 ની કિંમતની 30 બોટલ સાથે અસ્લમભાઈ ઉર્ફે અબ્બો ઇકબાલભાઈ કટાર, મહાવીરસિંહ મહેન્દ્રસિંહ મહીડા તેમજ સાહિલભાઈ ઉર્ફે મેહુલ અહેમદભાઈ લંઘાને ઝડપી પાડયા હતા. આમ વિદેશી દારૂમાં 1 આરોપી પકડાતા પોલીસે દારૂની જથ્થો લઇ જનાર આરોપીને પણ રાતોરાત દબોચી લઇને કિ.રૂ. 37,800 ની કિંમતની 126 બોટલો અને કિ.રૂ. 30,000 ની કિંમતના 4 મોબાઇલો સહિત કુલ મુદ્દામાલ 67,800 નો જપ્ત કરી આગળની કાર્યવાહી અજીતસિંહ સોલંકી નાઓ ચલાવી રહ્યા છે.

આ પ્રકારના તમામ સમાચાર માટેે App ડાઉનલોડ કરો.