કાંધાસર ગામ નજીક ટ્રેલર પાછળ ટ્રક ઘુસી જતા ટ્રક ચાલકનું મોત
- ચોટીલા હાઈવે ઉપર અકસ્માત - જેસીબીની મદદથી ટ્રકચાલકની લાશને બહાર કાઢી પોલીસે ટ્રાફિક ક્લીયર કરાવ્યોસુરેન્દ્રનગર : ચોટીલા હાઈવે ઉપર બંધ ટ્રેલર પાછળ ટ્રક ઘુસી જતા અકસ્માત સર્જાયો હતો. તેમાં ટ્રકચાલકનું મોત થયુ હતું. અકસ્માતના કારણે માર્ગ ઉપરનો ટ્રાફિક જામ થઇ ગયો હતો.આ અંગેની વધુ વિગત એવી છે કે, ચોટીલા હાઈવે ઉપર કાંધાસર ગામનાં બોર્ડ પાસે બંધ ટ્રેલર પાછળ ટ્રક ઘુસી જતા ગંભીર અકસ્માત સર્જાયો હતો. જેમાં ટ્રકચાલક રાજસ્થાનનાં સદામ ઉમરખાન નામનાં વ્યક્તિનું મોત થયુ હતું. અકસ્માત એટલો ગમખ્વાર હતો કે, પોલીસે જે.સી.બી.ની મદદથી મહામહેનતે ટ્રકચાલકની લાશને બહાર કાઢી હતી અને ટ્રાફિકને ક્લીયર કરાવ્યો હતો.
આ પ્રકારના તમામ સમાચાર માટેે
App ડાઉનલોડ કરો.