રાજકોટમાં ક્રિકેટ રસિયાઓમાં ભારે ઉત્સાહ, ભાવિ ક્રિકેટરોએ ‘જીતેગા ભાઈ જીતેગા, ભારત જીતેગા’નાં નારા લગાવ્યા

એશિયા કપ અંતર્ગત આજે ભારત અને પાકિસ્તાન વચ્ચે ટી-20 મુકાબલો થનાર છે. જેને લઈ ભારત-પાકિસ્તાન સહિત સમગ્ર વિશ્વમાં ઉત્તેજના જોવા મળી રહી છે. ત્યારે રાજકોટમાં પણ બરાબરનો ક્રિકેટ ફીવર જામ્યો છે. શહેરનાં રેસકોર્સ ખાતેની ક્રિકેટ એકેડમીમાં ભાવિ ક્રિકેટરોએ તો ‘જીતેગા ભાઈ જીતેગા, ભારતવાલા જીતેગા’નાં નારા લગાવ્યા હતા. સાથે એકેડમીનાં કોચ કૌશિક અઢીયાએ ભારત માત્ર જીત જ નહીં મેળવે પરંતુ સારા માર્જિનથી ભવ્ય વિજય પ્રાપ્ત કરશે તેવો વિશ્વાસ વ્યક્ત કર્યો હતો. સાથે જ એકેડમીમાં તાલીમ લઈ રહેલા બાળકોએ પણ વિરાટ કોહલી સહિતનાં ખેલાડીઓ પાકિસ્તાનને ધૂળ ચાટતું કરશે તેવો વિશ્વાસ વ્યક્ત કર્યો છે.

આ પ્રકારના તમામ સમાચાર માટેે App ડાઉનલોડ કરો.