બંધ બોડીની ટ્રકમાંથી રૂા. 34.43 લાખનો દારૂનો જથ્થો ઝડપાયો
- બજાણા રેલવે ફાટક પાસે - રાજસ્થાની શખ્સ સામે ગુનો દાખલ કરી પોલીસે તપાસ હાથ ધરીપાટડી : બજાણા ગામે રેલવે ફાટક પાસેથી એક બંધ બોડીની ટ્રકમાંથી રૂા.૩૪.૪૩ લાખના દારૂના જથ્થા સાથે પોલીસે એક રાજસ્થાની શખ્સની અટક કરીને ગુનો દાખલ કરી આગળની કાર્યવાહી હાથ ધરી છે. આ બનાવની જાણવા મળતી વિગત એવી છેકે, બજાણા પોલીસની ટીમ પેટ્રોલીંગમાં હતી. તે દરમ્યાન મળેલી બાતમીના આધારે બજાણા રેલવે ફાટક પાસે વોચ ગોઠવીને ત્યાંથી પસાર થતી બંધ બોડીની આઈસર ટ્રકને અટકાવી તેની તલાશી લેવામાં આવી હતી. ત્યારે તેમાંથી અંગ્રેજી દારૂની રૂા.૩૪,૪૩,૫૦૦ની કિંમતની ૯૭૬૭ બોટલોનો જથ્થો મળી આવ્યો હતો. પોલીસે આઈસર ટ્રક સહીત કુલ રૂા.૪૪,૪૮,૫૦૦નો મુદામાલ કબજે કરીને ટ્રકચાલક રાજસ્થાનના રામકીશન પુર્ખારામ બિશ્નોઈની અટક કરી ગુનો દાખલ કર્યા હતો અને દારૂનો જથ્થો કયા બુટલેગરનેે ત્યાં મોકલવાનો હતો અને ક્યાંથી લાવવામાં આવ્યો હતો તે અંગે પોલીસે તપાસ શરૂ કરી છે.
આ પ્રકારના તમામ સમાચાર માટેે
App ડાઉનલોડ કરો.