જામજોધપુર તાલુકાના ધૂનડામાં બાવળ કાપવાના પ્રશ્ને ખેડૂત યુવાન પર છરી વડે હુમલો: બે સામે ફરિયાદ

જામનગર,તા.27 ઓગષ્ટ 2022,શનિવારજામનગર જિલ્લાના જામજોધપુર તાલુકાના ધૂનડામાં રહેતા એક ખેડૂત યુવાન પર બાવળમાં ઝાડ કાપવાના મામલે બે શખ્સોએ છરી વડે હુમલો કર્યાની ફરિયાદ પોલીસમાં નોંધાવાઇ છે. આ ફરિયાદ અંગેના બનાવની વિગત એવી છે કે જામજોધપુર નજીક ધુનડામાં રહેતા અને ખેતી કામ કરતા હિતેશ પ્રેમજીભાઈ જોશી નામના ૩૩ વર્ષના યુવાને પોતાના ઉપર છરી વડે હુમલો કરી ઇજા પહોંચાડવા અંગે રામભાઈ વજશીભાઈ ડુવા અને તેના પુત્ર સામે ફરિયાદ નોંધાવી છે, જ્યારે તેને ઈજા થઇ હોવાથી હોસ્પિટલમાં સારવાર અપાઇ છે. પોલીસ ફરિયાદમાં જાહેર કરાયા અનુસાર આરોપી પિતા-પુત્ર ને ફરિયાદી ખેડૂત યુવાન સાથે બાવળના ઝાડની ડાળી કાપીને ઝાંપા પાસે નાખવાના પ્રશ્ને બોલાચાલી થઈ હતી, જેના અનુસંધાને આ હુમલો કરાયો હતો. સમગ્ર મામલે જામજોધપુર પોલીસ વધુ તપાસ ચલાવે છે.

આ પ્રકારના તમામ સમાચાર માટેે App ડાઉનલોડ કરો.