વડોદરા: સમા સિદ્ધાર્થ એનેક્ષમાં દારૂની મહેફિલ માણતા પાંચ ખાનદાની નબીરા ઝડપાયા

વડોદરા,તા.25 ઓગષ્ટ 2022,ગુરૂવારસમા પોલીસે સમા સાવલી રોડ ઉપર આવેલ સિદ્ધાર્થ એનેક્ષમાં દરોડો પાડી દારૂની મહેફિલ માણી રહેલા પાંચ ખાનદાની નબીરાઓને ઝડપી પાડી તેઓ સામે પ્રોહીબેશન એક્ટ હેઠળ કાયદેસરની કાર્યવાહી હાથ ધરી હતી. સમા પોલીસ મથકના જવાનોને કંટ્રોલ વર્ધિ મળી હતી કે, સમા સાવલી રોડ ખાતે સિદ્ધાર્થ એનેક્ષમાં જગદીશ ફરસાણની ઉપર કેટલાક લોકો દારૂની મેહફીલ માણી રહ્યા છે. જેના આધારે પોલીસે દુકાન નંબર બી 207 માં દરોડો પાડી દારૂની મહેફીલ માણી રહેલા પાંચ શખ્સોને ઝડપી પાડ્યા હતા. જેમાં જયરાજસિંહ કલ્પેન્દ્રસિંહ કોઠીયા ,ઉપેન્દ્રસિંહ અમરસિંહ ગોહિલ ( પોલીસ કોલોની, હરણી વારસીયા રીંગરોડ), સપન પરેશભાઈ પટેલ ( શ્રીજી વિલા, વાઘોડિયા ડભોઇ), દીપ સચિનભાઈ સોની ( સ્વામિનારાયણ નગર, હરણી રોડ) અને ધૈર્ય નિલેશભાઈ પટેલ ( શિવ બંગ્લોઝ, ન્યુ વીઆઇપી રોડ ) નો સમાવેશ થાય છે. પોલીસે દરોડા દરમિયાન કાચના ત્રણ ગ્લાસ, દારૂની એક બોટલ , દારૂના ત્રણ કોટરીયા , બિયરના ચાર ટીન, 05 મોબાઈલ ફોન મળી 22 હજારની મત્તા કબ્જે કરી હતી. જ્યારે એક પણ વાહન જપ્તીનો ઉલ્લેખ નથી.

આ પ્રકારના તમામ સમાચાર માટેે App ડાઉનલોડ કરો.