વડોદરા: દારૂનો જથ્થો ભરેલા થેલા સાથે યુવક ઝડપાયો

વડોદરા,તા. 22 ઓગષ્ટ 2022,સોમવારવડોદરા શહેરના કારેલીબાગ થી સમા વિસ્તારને જોડતા મંગલ પાંડે રોડ ઉપર પોલીસ ના ચેકિંગ દરમિયાન દારૂનો જથ્થો ભરેલા થેલા સાથે યુવક ઝડપાયો હતો. સમા પોલીસ મથકના પોલીસ કર્મીઓ ઉચ્ચ પોલીસ અધિકારીની સુચના અને માર્ગદર્શન હેઠળ વિસ્તારમાં પ્રોહિબિશન તથા જુગારની પ્રવૃત્તિ ઉપર અંકુશ હેતુ પેટ્રોલિંગમાં હતા. આ દરમિયાન પીએમ આવાસ યોજનાના આવાસો પાસે મંગલ પાંડે રોડ ઉપર એક શખ્સ બેગ સાથે શંકાસ્પદ હાલતમાં નજરે ચડ્યો હતો. જેમાંથી ભારતીય બનાવટની વિદેશી દારૂની રૂ. 11,445ની કિંમતની દારૂની નાની મોટી 76 બોટલો મળી આવી હતી. પોલીસે આરોપી જીતેન્દ્ર ઉર્ફે જીતુ લંગડો માળી ( રહે - પીએમ આવાસ યોજનાની પાછળ ,ખુલ્લા ખેતરમાં, સમા) ની પ્રોહીબિશન એકટ હેઠળ અટકાયત કરી વધુ તપાસ હાથ ધરી છે. અત્રે નોંધનીય છે કે, આરોપી વિરુદ્ધ અગાઉ પ્રોહીબિશનના ગુના નોંધાઈ ચૂક્યા છે અને આરોપી પાસા પણ ભોગવી ચુક્યો છે.

આ પ્રકારના તમામ સમાચાર માટેે App ડાઉનલોડ કરો.