બાઈક પછાળવા મામલે યુવક પર ચાર શખ્સોનો તલવારથી હુમલો

રાજકોટ,તા.18
માંડાડુગરના ભીમરાવનગરમાં દારૂના નશામાં રહેલા વિપુલ ચૌહાણ નામના યુવકની બાઈક પછાડી તેના મીત્રો દિનેશ મયુર ઉર્ફે ડોન સહીતના શખ્સોએ તલવારથી હુમલો કરતા સારવારમાં ખસેડાયો હતો. માંડાડુંગરમાં તિરૂમાલા પાર્ક-1માં રહેતાં વિપુલભાઈ ગોવિંદભાઈ ચૌહાણ (ઉ.વ.31) ગત રાત્રીના તેના મીત્રો દિનેશ, મયુર ઉર્ફે ડોન, રાજુ અને અજાણ્યા શખ્સો સાથે માંડાડુંગરના ભીમરાવનગરમાં હતાં. ત્યારે દારૂની મહેફીલ જમાવી હતી. જે બાદ દારૂના નશામાં વિપુલ ચૌહાણની બાઈક તેના મીત્રો દિનેશ અને મયુર ઉર્ફે ડોન સહીતનાઓએ પછાડી હતી.
જે મામલે વિપુલે તેના મીત્રો સાથે ઝઘડો કરતાં ઉશ્કેરાયેલા શખ્સોએ તલવાર અને ધોકાથી હુમલો કર્યો હતો. જેમાં યુવકને શરીરે ગંભીર ઈજા પહોંચતા સારવારમાં અત્રેની સીવીલે ખસેડાયો હતો. બનાવ અંગે સીવીલ ચોકીના સ્ટાફે આજીડેમ પોલીસને જાણ કરતા સ્ટાફ દોડી આવ્યો હતો.અને ઈજાગ્રસ્તનું નિવેદન લઈ હુમલાખોરોની શોધખોળ આદરી હતી.

આ પ્રકારના તમામ સમાચાર માટેે App ડાઉનલોડ કરો.