વિદેશી દારૂની 435 બોટલ ઝડપાઈ, એક શખ્સ ઝડપાયો
- ચોટીલા તાલુકામાં પોલીસનાં બે સ્થળે દરોડા - કાર સહિત 3.70 લાખનો મુદ્દામાલ પોલીસે કબજે કર્યોસુરેન્દ્રનગર : ચોટીલા તાલુકામાં પોલીસે બે સ્થળે પાડેલા દરોડામાં ૪૩૫ બોટલ વિદેશી દારૂ ઝડપાયો હતો.એક દરોડામાં આરોપી નાસી ગયો હતો, એક દરોડામાં આરોપી ઝડપાઈ ગયો હતો. આ બન્ને દરોડામાં પોલીસે કાર સહિત રૂ. ૩.૭૦ લાખનો મુદ્દામાલ કબજે કરી ગુનો દાખલ કર્યો હતો અને આગળની કાર્યવાહી હાથ ધરી છે. આ અંગેની વધુ વિગત એવી છેકે,ચોટીલા તાલુકાનાં ગોવિંદપરા આણંદપુર ગામની સીમમાં આવેલ વાડીએ જેમાભાઈ જીણાભાઈ હદાણીના મકાને પોલીસે દરોડો પાડયો હતો. જેમાં જુદી-જુદી બ્રાન્ડની રૂા.૯૮,૧૦૦ની કિંમતની ૨૫૫ બોટલ અંગ્રેજી દારૂ ઝડપાયો હતો. જોકે, દરોડા દરમ્યાન જેમાભાઈ હદાણી હાજર મળી ન આવતા ગુનો નોંધી વધુ તપાસ હાથ ધરવામાં આવેલ છે. જ્યારે ચોટીલા હાઈવે પર ધરમપુર ગામનાં પાટીયા પાસેથી પસાર થતી સ્વીફ્ટ કારની નાની મોલડી પોલીસે તલાશી લેતા કારમાંથી જુદી-જુદી બ્રાન્ડની ૧૮૦ બોટલ દારૂ મળી આવતા પોલીસે દારૂ, મોબાઈલ, કાર વિગેરે મળી કુલ રૂા.૨,૭૨,૫૦૦નો મુદામાલ જપ્ત કરી કુંઢ ગામના ઉમેશ બાબાભાઈ રાઠોડ નામના શખ્સની અટક કરી ધોરણસર કાર્યવાહી કરેલ છે.
આ પ્રકારના તમામ સમાચાર માટેે
App ડાઉનલોડ કરો.