80 ફુટ રોડ વીરા હોટલની બાજુમાં ખુલ્લી જગ્યામાં જાહેરમાં જુગાર રમતા ચાર ઈસમો ઝડપાયા.

તા.16/08/2022
બાવળિયા ઉમેશભાઈ સુરેન્દ્રનગર

સુરેન્દ્રનગર બી ડિવિઝનના પી.એસ.આઇ વી.એન.જાડેજા સાહેબ સાથે પો.કો. અજીતસિંહ સોલંકી, પંકજભાઈ સહિત સમગ્ર સ્ટાફના માણસો નાઇટમાં પોલીસ સ્ટેશન વિસ્તારમાં પેટ્રોલિંગ હાથ ધરી દરમિયાન પીએસઆઇ વી એન જાડેજા સાહેબનાઓને બાતમી આધારે 80 ફૂટ રોડ વીરા હોટલની બાજુમાં ગોકુળ પ્લાઝા ફ્લેટના કોમન પાર્કિંગમાં જાહેરમાં અમુક ઈસમો તીન પત્તીનો જુગાર રમે છે તેવી બાતમી આધારે હકીકત વાળી જગ્યાએ છાપો મારતા ચાર ઈસમો ગોળ કુંડાળું વળી બેસેલ હોય ઇસમોને કોર્ડન કરી ઝડપી પાડી રેડ કરતા પકડાઈ ઈસમો ભાવિનભાઈ શાંતિલાલ કોઠારી જાતે જૈન ઉ.40, નિલેશભાઈ મનુભાઈ હકાણી જાતે જૈન ઉ.46, અપૂર્વભાઈ જશુભાઈ કોઠારી જાતે જૈન ઉ.42, રાજેશભાઈ કરમશીભાઈ મકવાણા જાતે ચુ કોળી ઉ.42 સુરેન્દ્રનગર વાળાઓને ઝડપી પાડી આરોપીઓ પાસેથી કુલ રોકડ રૂ.15,350 તથા મોબાઇલ નંગ 3 કિ.રૂ.16,000 એમ કુલ મળીને કિ.રૂ.31,350 ના મુદ્દામાલ સાથે ઝડપી પાડી ચારેય ઈસમો વિરુદ્ધ જુગારધારા મુજબ ગુનો નોંધી આગળની તપાસ અજીતસિંહ સોલંકી ચલાવી રહ્યા છે.

આ પ્રકારના તમામ સમાચાર માટેે App ડાઉનલોડ કરો.