માંડવી શામળ બેચરની પોળમાં જુગાર રમતા ત્રણ પકડાયા

 વડોદરા, માંડવી શામળ બેચરની પોળમાં અગાશી પર જુગાર  રમતા ત્રણ અને પાણીગેટ બાવામાનપુરામાં જુગાર રમતા ચાર જુગારીઓને પોલીસે ઝડપી  પાડી કાયદેસરની કાર્યવાહી હાથ ધરી છે.સિટિ પોલીસ સ્ટેશનનો સ્ટાફ ગઇકાલે પેટ્રોલિંગમાં હતો.તે દરમિયાન માહિતી મળી હતી કે,માંડવી શામળ બેચરની  પોળ સિટિ ગોલ્ડ કોમ્પલેક્સની સામેના કોમ્પલેક્સના ત્રીજા માળની અગાશી પર કેટલાક  લોકો જુગાર રમી રહ્યા છે.જેથી,પોલીસ સ્ટાફે ઉપરોક્ત સ્થળે જઇને રેડ કરતા (૧) દિનેશગીરી મહેશગીરી ગોસ્વામી (રહે.રોયલ પર્લ એપાર્ટમેન્ટ, મહેતા પોળ, માંડવી) (૨) દિવ્યાંગ રાજેશભાઇ મકવાણા (રહે.શામળ બેચરની પોળ, માંડવી) તથા (૩) તરૃણ ડાહ્યાભાઇ માછી (રહે.બાજવાડા) મળી આવ્યા હતા.પોલીસે તેઓની  પાસેથી રોકડા રૃપિયા ૫,૫૯૦ કબજે કર્યા હતા.જ્યારે અન્ય એક બનાવમાં પાણીગેટ પોલીસે મળેલી માહિતીના આધારે બાવામાનપુરા ગોસિયા જીલાની એપાર્ટમેન્ટના ધાબા પર કેટલાક લોકો જુગાર રમે છે.જેથી,પોલીસે ઉપરોક્ત સ્થળે  રેડ પાડીને (૧) મહંમદશબ્બીર ફકીરમહંમદ મનસુરી (રહે.હૈદરી  ચોક,બાવામાનપુરા) (૨) નજ્જુભાઇ ઉમરભાઇ મલેક (રહે.કુંભારવાડા, પાણીગેટ) (૩) વસંતરાવ શંકરરાવ સૈદાણે (રહે.ગાજરાવાડી બસ સ્ટેન્ડની સામે) તથા (૪) મલંગશા ઇમામશા  દિવાન (રહે.ગોસિયા જીલાની એપાર્ટમેન્ટ,બાવામાનપુરા)ને ઝડપી પાડી  રૃપિયા ૧૦,૩૦૦ નો મુદ્દામાલ કબજે કર્યો છે.

આ પ્રકારના તમામ સમાચાર માટેે App ડાઉનલોડ કરો.