એજ્યુકેશન ફર્સ્ટ ટ્યુશન ક્લાસના શિક્ષક દ્વારા વિદ્યાર્થિનીને વોડકા પીવડાવી શારીરિક શોષણ કરવાનો પ્રયાસ

વડોદરા,તા.04 ઓગષ્ટ 2022,ગુરૂવારવડોદરા નવરચના સ્કૂલમાં અભ્યાસ કરતી અને નિઝામપુરા અર્પણ કોમ્પ્લેક્સમાં ટ્યુશન કરવા ગયેલી એક વિદ્યાર્થીનીને તેના ટ્યુશનના શિક્ષક દ્વારા કેફી પીણું વોડકા પીવડાવી શારીરિક શોષણ કરવાનો પ્રયત્ન કર્યો હોવાની પોલીસ ફરિયાદ યુવતીની માતાએ આપતા ટ્યુશન ક્લાસીસના શિક્ષક સામે કાયદેસરની કાર્યવાહી કરી વધુ તપાસ હાથ ધરી છે.વાઘોડિયા રોડની ખાનગી કંપનીમાં કામ કરનાર મહિલાએ ફરિયાદ આપી છે કે ,તેમના પતિ વિદેશ ખાતે રહે છે અને તેમની એક દીકરી જે ધોરણ 10 માં નવરચના સ્કૂલમાં અભ્યાસ કરે છે તે બપોરે 2:00 વાગે છૂટીને નિઝામપુરા અર્પણ કોમ્પલેક્ષમાં આવેલા એજ્યુકેટ ફર્સ્ટ ટ્યુશન ક્લાસમાં વધુ અભ્યાસ માટે જાય છે અને તે ટ્યુશન ક્લાસ સાંજે 6:30 કલાકે છૂટે છે અને મારી દીકરીને રોજ સાંજે કંપનીમાંથી છૂટીને લેવા જાઉં છું.મહિલાએ આપેલી ફરિયાદમાં વધુમાં જણાવ્યું છે કે તારીખ 3 ના રોજ મારી દીકરીની તબિયત સારી નહીં હોવાથી તે સ્કૂલ ગઈ નહીં પરંતુ બપોરે ત્રણ કલાકે રિક્ષામાં બેસી નિઝામપુરા એજ્યુકેશન ફર્સ્ટ ટ્યુશન ક્લાસમાં ગઈ હતી અને તેણે મને જાણ કરી હતી કે હું પરત રિક્ષામાં ઘરે આવી જઈશ જેથી તેને લેવા ટ્યુશન ક્લાસ ગઈ ન હતી તેને ટ્યુશન ક્લાસ માંથી આવતા મોડું થતા સાંજે 7:00 વાગે મોબાઈલ પર ફોન કરતા મારી દીકરીએ હજી હું ક્લાસીસમાં છું તેમ કહી ફોન કટ કરી દીધો હતો ફરી સાંજે 7:30 ફોન કર્યો અને પૂછ્યું તું ક્યાં છે અને વીડિયો કોલ કર અને તારી આજુબાજુમાં કોણ છે તે મને કહે તેમ કહી વિડીયો કોલ કર્યો હતો તેમાં મારી દીકરીએ બાજુમાં પુસ્તક બતાવ્યું હતું અને સામેના ભાગમાં એક પુરુષ ખુરશી પર બેઠેલા બતાવ્યા હતા અને તેનું નામ પ્રશાંત ખોસલા હોવાનું જણાવ્યું હતું. આ વિડીયો કોલ કર્યા બાદ તેના અડધો કલાક પછી પ્રશાંત ખોસલા નામના વ્યક્તિએ મારા મોબાઈલ ઉપર ફોન કરીને જણાવ્યું હતું કે તમારા ઘરનું સરનામું આપો તમારી દીકરીને વાગ્યું છે અને ચાલી શકે તેમ નથી તેને ઘરે મુકવા આવવું છે અને તેઓને મેં મારા ઘરનું સરનામું આપ્યું હતું.મારા ઘરે રિક્ષામાં મારી દીકરી અને તેના સાથે પ્રશાંત ખોસલા આવ્યા હતા અને ત્યારે તેની તબિયત બગડેલી જણાઈ આવી હતી જેથી તાત્કાલિક મારા ભાઈને ફોન કરીને બોલાવ્યા હતા અને ત્યારબાદ મારી દીકરીને ખાનગી હોસ્પિટલમાં સારવાર માટે લઈ ગયા હતા.મારી દીકરીને વાગ્યું નહોતું પરંતુ તેના મોઢામાંથી ફીણ નીકળતું હતું અને તેણીને કેફી પીણું વોડકા પીવડાવવામાં આવ્યું હોય તેમ જણાઈ આવ્યું હતું જેથી તેના ટ્યુશનના શિક્ષક પ્રશાંત ખોસલા એ તેની સાથે શારીરિક શોષણ કરવાના ઇરાદે આવું કૃત્ય કર્યું હોય તેમ જણાઈ આવ્યું છે. આ ફરિયાદના આધારે પોલીસે એજ્યુકેટ ફર્સ્ટ ટ્યુશન ક્લાસીસ નાશિક્ષક પ્રશાંત ખોસલા સામે ફરિયાદ દાખલ કરી કાયદેસરની કાર્યવાહી હાથ ધરી છે.

આ પ્રકારના તમામ સમાચાર માટેે App ડાઉનલોડ કરો.