જામનગરમાં પંજાબ નેશનલ બેંક પાસે આવેલી કેનાલમાં ગાય પડી જતાં સ્થાનિકો અને ફાયરએ મહા મહેનતે બહાર કાઢી

જામનગર, તા. 31 જુલાઈ 2022 રવિવારજામનગરમાં પંજાબ નેશનલ બેંક પાસે આવેલી એક કેનાલ, કે જેમાં મોટું ગાબડું પડેલું છે, તે કેનાલ ની અંદર આજે એક ગાય પડી ગઈ હતી અને ભારે તરફડિયા મારતાં દોડધામ થઈ હતી.આ બનાવ પછી કેટલાક સ્થાનિક યુવાનો એકત્ર થઈ ગયા હતા, ઉપરાંત ફાયર બ્રિગેડની ટીમને પણ સ્થળ પર બોલાવી લેવામાં આવી હતી, અને દોરડા ની મદદથી એકાદ કલાકની જહેમત બાદ ગાયને સહી સલામત રીતે બહાર કાઢી લેતાં સર્વેએ હાશકારો અનુભવ્યો હતો.પંજાબ નેશનલ બેંક જેવા અતિ ધમધમતા વિસ્તારમાં કેનાલ પાસેનો મોટો ખુલ્લો ખાડો પડેલો છે ,જેમાં અવારનવાર આવી દુર્ઘટનાઓ સર્જાતી રહે છે. જેથી મહાનગરપાલિકાના તંત્રએ આ મામલે યોગ્ય કરવા સ્થાનિકોમાં માંગ ઉઠી રહી છે.

આ પ્રકારના તમામ સમાચાર માટેે App ડાઉનલોડ કરો.