જામનગર જિલ્લાના ધ્રોલમાં એક એન્જિનિયર સહિત બે વ્યક્તિના મોટરસાયકલોની ચોરી થયાની ફરિયાદ

જામનગર,તા.28 જુલાઈ 2022,ગુરૂવારજામનગર જિલ્લાના ધ્રોલમાં રહેતા એક એન્જિનિયર યુવાન અને તેના અન્ય એક પાડોશી સહિતના બે વ્યક્તિના મોટરસાયકલોની કોઈ તસ્કરો ચોરી કરી લઈ ગયા ની ફરિયાદ ધ્રોળ પોલીસ મથકમાં નોંધાવાઇ છે.આ ચોરીના બનાવની વિગત એવી છે કે મૂળ ગોંડલ તાલુકાના સુલતાનપુરના વતની અને હાલ ધ્રોલમાં સ્વામિનારાયણ પાર્કમાં રહેતા અને એન્જિનિયર તરીકે કામ કરતા ભાવેશ વિનોદભાઈ વઘાસીયાએ પોતાના ઘર પાસે પાર્ક કરેલું પોતાનું મોટરસાયકલ કોઈ તસ્કર ચોરી કરી લઈ ગયા ની ફરિયાદ ધ્રોળ પોલીસમાં નોંધાવી છે.આ ઉપરાંત પાડોશમાં રહેતા રાજેશભાઈ નામના અન્ય વ્યક્તિનું પણ મોટરસાયકલ કોઈ તસ્કરો ચોરી કરી લઈ ગયા હોવાનું પોલીસમાં જાહેર કરાયું છે. જે ચોરી ના મામલે ધ્રોળ પોલીસ વધુ તપાસ ચલાવે છે.

આ પ્રકારના તમામ સમાચાર માટેે App ડાઉનલોડ કરો.