જુહાપુરામાં 8 વર્ષની બાળકી સાથે છેડછાડ કરનાર બિહારનો યુવક પકડાયો

અમદાવાદ,તા.28 જુલાઈ 2022,ગુરૂવારજૂહાપુરા વિસ્તારમાં ૮ વર્ષની બાળકી સાથે મંગળવારે સાંજે છેડછાડ કરનાર આરોપીને પોલીસે પોક્સો એક્ટના ગુનામાં ઝડપી લીધો છે. પોલીસ તપાસમાં ખુલેલી વિગત મુજબ બાળકી દૂકાને વસ્તુ લેવા માટે ગઈ તે સમયે આરોપીએ તેના શરીરે હાથ ફેરવીને અડપલાં કર્યા હતા. બનાવને પગલે પરિવારજનોએ પોલીસને જાણ કરી હતી.આરોપી શહેરની હોટલમાં મજૂરી કામ કરતો હોવાનું ખુલ્યું છે. બાળકી દૂકાને વસ્તુ લેવા ગઈ ત્યારે બનાવ બન્યોઃ આરોપી હોટલમાં મજૂરી કામ કરે છેવેજલપુર પોલીસે પોક્સ એકેટના ગુનામાં અઝહર આલમ નામના ૨૪ વર્ષીય યુવકની ધરપકડ કરી છે. મૂળ બિહારનો વતની એવો અઝહર શહેરની જૂદી જૂદી હોટલમાં મજૂરી કામ કરીને પોતાનું ગુજરાન ચલાવે છે. મંગળવારે સાંજે પોતાના ઘરેથી દૂકાને વસ્તુ લેવા માટે આવેલી ૮ વર્ષની બાળકી સાથે અઝહર આલમે અડપલાં કર્યા હતા. બનાવ અંગે બાળકીએ ઘરે જઈને માતા-પિતાને જાણ કરી હતી. માતા-પિતાએ પોલીસ કંટ્રોલરૂમને જાણ કરતા વેજલપુર પોલીસે સ્થળ પર જઈ તપાસ હાથ ધરી હતી. પોલીસે મંગળવારે મોડી રાત્રે પોક્સો એક્ટ મુજબ ગુનો દાખલ કરી તપાસ હાથ ધરી હતી. પોલીસે તપાસ દરમિયાન આરોપી અઝહર આલમને ઝડપી લીધો હતો.ઘટનાને પગલે શરૂઆતમાં ડરી ગયેલી બાળકી ઘરે જઈને કોઈ બોલતી ન હતી. જો કે, પુત્રીને માતા-પિતાએ સમજાવીને પૂછપરછ કરતા સમગ્ર બાબતે બહાર આવી હતી. ઘટનાને પગલે આરોપી પર લોકોમાં ગુસ્સો જોવા મળ્યો હતો.

આ પ્રકારના તમામ સમાચાર માટેે App ડાઉનલોડ કરો.