UP: રામપુરમાં બસ અને ટ્રક વચ્ચે અકસ્માત, 5ના મોત, 46 ઘાયલ

- શાહજહાંપુર ડેપોની બસ રાત્રે શાહજહાંપુરથી દિલ્હી જઈ રહી હતીરામપુર, તા. 16 જુલાઈ 2022, રવિવારયુપીના રામપુરમાં નેશનલ હાઈવે પર શાહજહાંપુર ડેપીની બસ અને ટ્રક વચ્ચે અકસ્માત સર્જાયો હતો. આ અકસ્માતમાં 5 લોકોના મોત થયા છે અને 46 લોકો ઘાયલ થયા છે. ઘાયલોને સારવાર અર્થે જિલ્લા હોસ્પિટલમાં ખસેડવામાં આવ્યા છે. મૃતકોના મૃતદેહને પોસ્ટમોર્ટમ માટે મોર્ચરીમાં રાખવામાં આવ્યા છે. જિલ્લા વહીવટી તંત્રએ ઘાયલો દ્વારા મળેલી જાણકારીના આધાર પર તેમના પરિવારજનોને સૂચના આપવાની સાથે જ હેલ્પલાઈન નંબર પણ જાહેર કરી દીધા છે. શાહજહાંપુર ડેપોની બસ રાત્રે શાહજહાંપુરથી દિલ્હી જઈ રહી હતી. અહીં સિવિલ લાઈન્સ કોતવાલી વિસ્તારમાં રિવર સાઈડ ઈન પાસે ઝીરો પોઈન્ટ પર રોડવેઝની બસ સામેથી આવી રહેલા ટ્રક સાથે અથડાઈ હતી. આ અકસ્માત થતાં જ હોબાળો મચી ગયો હતો.તાત્કાલિક હાઈવે પર તૈનાત ફોર્સ, 112 અને સિવિલ લાઈન્સ પોલીસ ઘટનાસ્થળે પહોંચી ગઈ હતી. ઘાયલોને એમ્બ્યુલન્સ અને જે પણ વાહન મળ્યું તે દ્વારા જિલ્લા હોસ્પિટલમાં લઈ જવામાં આવ્યા હતા. આ દરમિયાન પાંચ લોકોના મોત થઈ ગયા હતા.મૃતકોમાં 2 અજ્ઞાત છે. જીલ્લા મેજીસ્ટ્રેટ રવિન્દ્ર કુમાર માંદડે સરકારને અકસ્માતની જાણ કરવાની સાથે હેલ્પલાઈન નંબરો જાહેર કરી દીધા છે. કોઈપણ વ્યક્તિ 9454416995 અને 9897846204 પર કોલ કરીને આ અકસ્માતમાં મૃતકો અને ઘાયલોની માહિતી મેળવી શકે છે.

આ પ્રકારના તમામ સમાચાર માટેે App ડાઉનલોડ કરો.