સુરેન્દ્રનગરની જૂની હાઉસિંગ સોસા.માંથી ગાંજા સાથે શખ્સ ઝડપાઇ ગયો

- શહેરમાં માદક પદાર્થોનું વધી રહેલો વેપલો - પોલીસે દરોડો પાડીને ડિજિટલ વજનકાંટા સહિત રૂપિયા 50 હજારથી વધારેનો મુદ્દામાલ કબજે લઇને કાર્યવાહી કરીસુરેન્દ્રનગર : સુરેન્દ્રનગરની જુની હાઉસીંગ સોસાયટીમાંથી એસ.ઓ.જી. પોલીસની ટીમે એક શખ્સને રૂા. ૪૮,૬૦૦ની કિંમતના ગાંજા સાથે ઝડપી લઈને બી.ડીવીઝન પોલીસના હવાલે કરેલ હોવાનું જાણવા મળે છે. સુરેન્દ્રનગરની જુની હાઉસીંગમાં પ્રતિબંધીત નશીલા પદાર્થ ગાંજાનું વેચાણ થતુ હોવાની બાતમી મળતા એસ.ઓ.જી. પોલીસે દરોડો પાડીને ભાગવાનો પ્રયાસ કરતા દશરથસિંહ મહોબ્બતસિંહ ચૌહાણ નામના શખ્સને રૂા.૪૮,૬૦૦ની કિંમતના આઠ કિલો સો ગ્રામ ગાંજા સાથે ઝડપી લીધો હતો. આ શખ્સના કબજાવાળા ડેલામાંથી ડીજીટલ વજનકાંટા સહીત કુલ રૂા. ૫૦,૬૦૦નો મુદામાલ કબજે કરીને બી ડીવીજન  પોલીસમાં દશરથસિંહ  સામે ગુનો દાખલ કરાવવામાં આવેલ હતો.

આ પ્રકારના તમામ સમાચાર માટેે App ડાઉનલોડ કરો.