જામનગર શહેર મહિલા કોંગ્રેસ દ્વારા વરસતા વરસાદે મોંઘવારીના મુદ્દે વિરોધ પ્રદર્શન

- સ્મૃતિ ઈરાનીના પૂતળાને ચપ્પલ વડે માર મારી મહિલા અગ્રણીઓએ વિરોધ દર્શાવ્યો: ભીખ માંગી વિરોધ પ્રદર્શનજામનગર તા 8 જુલાઈ 2022,શુક્રવાર જામનગર શહેરમાં મહિલા કોંગ્રેસ દ્વારા આજે વરસતા વરસાદે પણ વિરોધ પ્રદર્શનનો કાર્યક્રમ રાખવામાં આવ્યો હતો, અને મોંઘવારીનો વિરોધ કરીને જાહેરમાં ભીખ માંગી હતી. ઉપરાંત રાંધણ ગેસના બાટલાના ભાવ વધારા સહિતના મુદ્દે વિરોધ દર્શાવી સ્મૃતિ ઈરાનીના પૂતળાને ચપ્પલ મારી વિરોધ પ્રદર્શન કર્યું હતું. જામનગર શહેર મહિલા કોંગ્રેસ દ્વારા આજે લાલ બંગલા સર્કલમાં ચાલુ વરસાદે મોંઘવારીના મુદ્દે વિરોધ પ્રદર્શનનો કાર્યક્રમ રાખવામાં આવ્યો હતો. કોંગી કોર્પોરેટર રચનાબેન નંદાણીયા સહિતના મહિલા સભ્યો દ્વારા જાહેરમાં ભીખ માંગવામાં આવી હતી. ઉપરાંત સ્મૃતિ ઈરાનીના પૂતળાને લાતો મારી ચપ્પલ મારીને વિરોધ પ્રદર્શન કર્યું હતું. આ સમયે મહિલા પોલીસ સહિતનો કાફલો ઘટના સ્થળે પહોંચ્યો હતો, અને પૂતળું કબજે કરી લેવાયું હતું.

આ પ્રકારના તમામ સમાચાર માટેે App ડાઉનલોડ કરો.